扒王之王 (已結業)

我之前都已经去过le间餐厅,不过唔系青衣城系朗豪坊!o野食o麻o麻所以本来都谂住唔会再去,但上星期日果日咁o岩又响青衣城食饭,见周围都排晒队咪o念住再试下扒王之王啰!入到去门口有o的人响o度等梗,但无reception招呼我o地,等o左阵终于有个男侍应拎住一大堆餐牌行o左过来,点知我都未开声佢已经冲冲忙忙咁走o左,唔单只佢系咁,成个餐厅o的侍应都跑来跑去,睇落原来个餐厅得果几个侍应,心想:等多阵再算啰!等了又等,就算有客走了空o左落来果o的木台都无人执!终于有木台已经系30分钟后o既事!木台面好dirty好混乱!但侍应态度还可以,真系觉得佢地几辛苦,落紧单都喘梗气!男侍应送餐果时几十块铁板十分危险!我果o的餐包系冻架,不过又算数!我叫o左个必see牛扒,口感过得去,朋友叫o左个羊鞍,烧鬼咁死耐!餐饮又系十世先来到!成餐饭都系等完又等,明明可以一个小时食完,依家成两个几小时先搞掂,除左环境好,无乜特别值得一提!