大門食堂 (已結業)

话说今日见到原本味吉个位转左第二个牌头，仲要有我最爱嘅沾面食，于是就孖埋老公入去试下...到达时已经系晚上九点，预计无咩人唔驶等喇应该，点知仲要排队，ok! 排就排喇，心谂好食的话又有多个地方选择... 如是者等左20分钟，唔对路，因为舖营业时间至10:30，心谂入唔入得切呢@@"行去望望，见到有两三张枱其实已经食完，只系无人执碗，食客玩紧电话未走😒😒😒期间接待个侍应见我地企左好耐，叫我地坐系门口啲椅度等等，直到等左30分钟左右，终于入得😻😻😻我地分别叫左个叉烧沾面同大门拉面，仲有饺子，叉烧沾面煮得有点糊（即系烂左啲），个沾汤无咩味，叉烧完全无任何味，好似滚水烫熟一样；大门拉面就异常地咁有咬口😏😏，因为条面个芯都未煮透😶😶，叉烧同样地都系咩味都无😞😞... 饺子... 仍然系淡淡的，料不多🙄🙄总结黎讲，呢间未能成为我个新推介，不过，佢地嘅价钱系真系比其他拉面店为便宜，如果预左平平地又唔太有要求，可以一试😁😁