海港食家 (已結業)

今晚同老婆第一次专登搭车去食一间太起眼的食店，坐van仔过都唔适落车。全场只有大约十张，有好多街坊同熟客，最好订先，有怀旧feel。其中有两个侍应比较大年纪，外表好似好粗鲁，但系又非常nice㖞，有问必答，好有街坊feel，所以都系唔好睇外表啦！我地叫三个菜：豆腐海鲜汤、砂鱼头煲同埋煎咸鲜鱼豆腐海鲜汤加好多白菜仔，所以人小都可以唔使再叫多一碟菜，佢所谓海鲜就系用D班鱼骨做汤底，都好鲜味。砂鱼头煲就有豆腐、冬菇、火腩同埋白菜仔做配菜，但我个人就觉得D鱼头就多小小炸粉，同埋个煲都系唔热，应该系煮好先放落个煲到，但整体个煲都OK煎咸鲜鱼一碟有三条，跟一碟汁，第一口食落去觉得好干身好酥脆但有点咸，应该一般人都可以接受，冇乜细骨，好易食，其实碟汁都可以唔使点，应该就咁食都好有味。