俺流塩らーめん (創紀之城五期(apm))

营业中

休息中

䌓忙的星期六中午，我同友人相约apm 午饭，可惜想食嘅店已经大排长龙，而女友们都唔系同一时间到达，为免再揾唔倒食，见拉面店仲未开始有人等位，所以决定快快手食拉面！店员解释因为座位太少，唔齐人唔入得，结果在门外等左5分钟真系齐人先入得。完全明白同理解，因为佢地店真系座位唔多。座位都濶落，疫情期间都有胶板相隔! 🍜 俺流熟成浓汤拉面 $59 -抵食指数 👍👍👍👍👍汤头浓郁但唔肥腻，有大量配菜： 葱，菠菜，柚子皮，笋 ，仲有一大片豚肉。香浓嘅汤夹有小小柚子香味，一啖拉面一啖汤刚刚好，完全唔驶再加枱面嘅酱料。拉面份量适中，女仕们一定食得哂唔会觉得浪费！睇埋个价钱，抵食！🍜黑蒜油熟成浓汤拉面$75 👍👍👍 因为黑蒜油嘅关系，汤头浓郁但比较油同厚身，有一样嘅配菜： 葱，菠菜，柚子皮，笋 ，仲有一大片豚肉同埋玉子 。汤浓郁比较有挂面嘅感觉， 拉面有口感唔会太软身，不过就唔敢饮太多汤惊咸得济，叉烧薄薄一片，份量都系啱啱好！相比之前果款只系多左只流心蛋，价钱相对就冇咁抵食！整体都系好味！🍚 唐扬炸鸡饭 $42  👍👍 拉面店真系唔太适合点饭食！卖相其实唔差，一碗饭 有成3-4件炸鸡，不过真系太太太多汁！