泰越概念 (已結業)

.🔻泰越概念 V.Thai.再黎泰国菜！！我地三个都有个共通点就系大家都好钟意泰国，有年仲大家生日都系食泰菜😂😂.🔻泰越汤河粉 ($128)碗粉有生牛肉，墨丸，牛丸，扎肉，牛腩片，每款1-2件，河粉唔多，好多芽菜垫底，个汤底唔算好浓，清清地咁，食完唔口渴，所以食完d 粉都饮阻几啖汤☺本身谂住呢个价钱应该会好大碗，呢个份量仲少过谭仔既套餐，2个人系绝对唔够既。.🔻自选沙嗲串烧 ($118)有猪，鸡，牛拣，眼大肚窄既我拣阻每样2串，沙嗲酱甜甜地，比较杰身，我觉得香味差dd唔够重味，但系串烧搭救，3款串烧都juicy, 烧得几香，唔错(但东大街印尼沙嗲屋都系我至爱😂) .🔻泰海南鸡半只 ($128)份量唔算少，食落去好似盐焗鸡咁，本身只鸡已经系咸咸地，鸡肉唔算嫩，但都唔系鞋既，鸡皮好滑好顺口好香鸡油味☺☺佢跟2个汁，一个系姜油，一个系泰式辣汁，我觉得唔点汁都已经好够味。.🔻总结系环境唔错，d位好阔落，坐得几舒服，食物质素都唔差既，服务比较被动，不完美，可接受。