炻板燒 (已搬遷) 新店位置

市区大乡里入屯门旅行，周围揾黄店食，其中呢间体验真系颇大改善空间，所以想献上第一篇食评。咁我同男朋友叫咗两个lunch，一个系烧封门柳餐，加咗六十几蚊转个白饭做蛋包饭。另一个系肥牛乌冬。乌冬就一般ok啦，个跟餐面豉汤淡咗少少。但个蛋包饭好咸。然后个烧牛肉我地等咗好耐，我地食晒个饭同乌冬，问咗一次，再等咗好一段时间先到。其实侍应妹妹都态度好好嘅，仲好抱歉我地等咁耐送多两片牛比我地（我地由头到尾都只系问咗一次，无系咁催），但个问题系，等咗咁耐啲牛系未溶晒雪的...可能我地去得早未准备好？（我地十一点左右佢地啱啱开时去的)但会唔会考虑早少少开始准备或者晏啲先开始供应烧牛呢？