京城

营业中

休息中

午饭时间，有好多餐厅都排队，唯独有间冇人排队之余，系得一枱客，而被餐厅吸引系素饺子，进店后见到店员正预备包饺材料，心存欢喜，饺子是亲手包，坐下后店员称show code 下单就可以，过了几分钟，店员大声话「你食咩啊，口讲都可以落单」，相信她系善意，只系听起上黎有被呼喝嘅感觉，我表示睇紧，款式唔算多，但需要时间睇下仲有冇其他想食，又过了1-2分钟，同一店员又再大声问多次食咩，感觉已唔好，吹住晒! 唯有匆匆落单素饺子面加配+$10油菜，期间店内冷气太劲。上菜后，见到加配10蚊油菜，原来只有5块唐生菜，数量太少唔值，饺子有红萝卜碎、冬菇碎及其他材料，取餐具时发现有食物残渣仍遗留在餐具上，卫生欠缺，面条硬度适中，汤冇咩味，眼见枱上酱油选择唔多，食完立即埋单离开不宜久留。员工态度欠奉，唔敢再去了。