貴香園 (昌安大廈) (已結業)

次次帮衬呢间贵香园，都不期然谂起几年前开张不久，我岩岩帮衬佢时，佢事头婆一句：「唯一有咩咁巴闭呀？只不过系系荃湾咁多年，储埋一大班长情客而已！我旺角间舖，够排埋长龙啦！假以时日，呢间够可以做到啦！」的确，几年过去，呢间贵香园真系人气不绝。我谂，除左有事头婆既魄力（虽然好耐唔见佢出现系舖头），仲有两位好做得野既店员。成日做到爆，又逼，座位又凹陷，但胜在店员够亲和力。呢样野，唔系间间做到！腩肉唔少得，今次加埋猪润我觉得佢系四坡坊唯一与路德围既中庸之道。入味，但不至于如前者油腻。汤底出色！但其实我钟意大肠多过猪润，只不过试左几次后，每次唔系冻冻地，就系太稔，所以就将之剔除在外。有时经过，见到佢生意好到开埋桥边枱櫈，真系替佢开心。我谂只要坚持出品质素，加埋店员咁既服务水平/方式，生意只会越做越好。