海老名沾麵

营业中

休息中

唔好尽信广告、IG、或KOL嘅介绍，呢间沾面我觉得唔专业亦唔值得排队食嘅拉面。细细嘅店舖可以坐8-10个人，但店内职员安排座位好有问题，前一批客走咗6个，两个两个咁走，佢等埋一次过然后再安排另一批6个人入去。我开头谂点解唔俾客入去，后尾入到去坐低就知，系个厨房处理唔切，相比起其他专业拉面店，个厨房职员手脚非常慢，煮好哂面，煮好汤，共6碗，佢逐张单对要放咩材料，啲汤及面嚟到时已经冻哂。我唔系嚟食冷面，沾面我都想食啲汤系热嘅。湾仔有一间沾面，佢会问你要热汤热面定系热汤冻面，有得俾你拣。唔系呢度咁，滩冻你碗面。结论系：唔洗试。叫咗加紫菜，坐低冇耐就俾呢样嘢我，个碟好肉酸。朋友加咗虾，个卖相系咁有个男师傅，再俾两个面你，但唔系同啲汤一齐上台，几有趣，完全唔尊重沾面及食客。我碗沾面，你睇个碗及碟，再睇埋啲滩暖哂，一啲都唔滚，去到咁，对一个对食系有要求嘅人嚟讲，已唔想食。朋友叫嘅蕃茄汤底，我问朋友呢个系咪蕃茄汁，佢过似煮到好浓好杰嘅蕃茄膏，总之佢唔系同你煮埋一齐，而系用同一汤底再加一个蕃茄汁/膏上去。