Monster Sushi (已結業)

平时食回转寿司食到厌，今次就试吓呢间打高尚路线嘅寿司。先来一个创意十足嘅芒果花之恋。三文鱼都几新鲜，而且配合清甜嘅芒果味道好正。火炙酱油鱼背裙边，口感极之幼滑，油香味重！配埋点点辣酱好滋味带子大大粒，非常爽口清甜。唔会有好似平时唔新鲜𠮶啲梅梅地咁嘅感觉。牛油炒杂菌分量唔算多，不过牛油味几重，味道都唔错。而且用铁板上保持温度，可以慢慢食。不过人手略嫌真系有啲不足，服务速度缓慢。其实外面大排长龙，但系入边几员工执唔切枱，所以要等好耐。