Monster Sushi (已結業)

一直都有留意這店從最初在這 I Square開店至今, 由最初人流都幾旺下至現在轉為只是一般而己, 裝修亦是一直沿用至而家, 一坐落最令我吃驚的是放下一個完全係被暴力對待至壺身三尖八角嘅茶壺?!到底係無心之失定係什麼原因重會放出廳面用來招呼客人呢? 即使唔想浪費一般都會放喺員工休息室用架啦! 好少用來招呼客人啩, 以上絕非猜測而係常理都會咁做 ! 壽司的三文魚籽卷捲得唔太實淨, 腐皮壽司$14則越做越細件,要叫兩碟先滿足到自己對它的慾望, 忌廉芝士三文魚軍艦$39料足但價錢都收足啦, 碎蔥吞拿魚腩軍艦$36則普通啦, 現在子薑要問先有, 挾一碟俾你如果你唔係一味夾薑食的話這碟係夠用的了,玉子燒$22隻碟就幾靚但蛋卷實在做得麻麻地, 睇相都見到只係一塊蛋皮捲起中間有相當多空間, 學師未成的例子之一, 大蝦炸天婦羅壽司$24係太座至愛的一品不過又是一般但隻炸蝦size真的大連下面舊飯都見唔到喎, 串燒的兩款反而唔錯, 和風紫蘇黑豚肉串燒$36個名好鬼長其實咪就係燒五花腩囉, 算夠厚身亦有點焦香配埋紫蘇嘅香氣四溢,肉質本身亦有點豬肉嘅騷香, 肥牛蘆筍卷$32都捲得實實淨淨, 配嘅汁漿甜中有酸

很久以前就聽說過 Monster Sushi 是藝人吳先生有份開的，一直都想試試。趁着今天是農曆新年，決定要食頓美食。原來現在有special promotion，大部分壽司，卷物及飲品半價！我們倆也毫不猶豫叫了一大枱食物。火焰美乃滋蟹棒壽司-鮮紅的蟹棒上面有適量的沙律醬，曰本珍珠米壽司飯是微焦的，香氣四溢！咸甜適中！腐皮壽司- 腐皮新鮮又滑，壽司飯微酸，是我最愛的壽司！玉子壽司 - 金黃蛋厚身有咸香，加上脆脆紫菜很好的味道！呑拿魚腩壽司是我們選擇中最貴的一款 - 原厚的吞拿魚加上適量的油脂分怖，新鮮絶頂，令人一再回味！黑松露鯛魚壽司 -松露份量雖少但是靚貨色，濃郁松露香，鯛魚油在口中是非常震撼！三文魚刺身 -24/4塊夫復何求！新鮮，厚身，大件，便利店的價錢，但日本新鮮三文魚！絕不欺埸！難得一讚的是從下單到上菜不用五分鐘，日本的效率及質素，便宜的價錢在I square中找到！為我的新年作一個完美的開始！😌P.S 店員溫馨提示登記做會員，還可享用一客免費的黑松露三文魚壽司！🤓

夜晚約左朋友撐枱腳開心下，原先想去既餐廳又full左唔再派籌 咁四圍行下望下，見到咁多人排隊 原來半價優惠 又唔算多人就去排下等位 又唔算等左好耐 半個鐘左右 (平日 7點去)因為太肚餓既關係，所以食到一半先記得影相嗌左好多野食 推介下我食過好味既海膽軍艦 海膽好鮮鰻魚玉子 好味丫我麻麻地鰻魚既都覺得好食，但鰻魚小左啲芝士三文魚唔知乜卷 唔記得名⋯好味丫其他都不過不失餃子雞翼咸左啲叫左2杯野食荔枝草莓蘆薈沙冰草莓味就無乜 但飲得出荔枝味 唔太甜既飲品藍莓乳酸沙冰 好似紫色吱吱冰咁既甜味個人不太喜歡叫左15款食物（無記錯既話） 2個人加埋400鬆就走得

見佢半價好似好抵,之前食過都可以，所以今日去食，但今次用餐經驗極度失望和不愉快！第一張單等左一個鐘先上齊，催左幾次先黎！仲要每一碟壽司都隔左成十幾分鐘先黎一碟！入面已經唔係full,但上菜好慢好慢！有d 2碟黎左一碟叫待應跟又懶懶閒！仲要話已經黎左！可唔可以睇清左先，跟清楚張單先呢！限你個半鐘用餐時間，但係你上菜甘慢點夠時間食！真係食爭鮮都無甘嬲！起碼人地快靚正。同埋食物的質素比以前差左好多！無下次！

提起黑夜壽司，上次介紹了我的飯堂一壽司，這次就來介紹一下我沒有那麼常去的Monster Sushi，不是因為Monster Sushi的食物質素比一壽司差，只是Monster Sushi地方不夠就腳，但食物而言，我倒覺得Monster sushi略勝一籌。去到哪間也必點的芒果花之戀，芒果香甜，取締了尋常花之戀壽司必配的沙律醬，非常清新，芒果與三文魚搭配適宜，芒果中和了三文魚的魚油感。海膽軍艦，小小壽司上放了份量不算少的海膽，鹹甜甘香，海膽於白飯在口內混合，飯粒也添了海水味。柚子帆立貝壽司，壽司飯上舖了一片厚薄適中的貝肉，貝肉上放有柚子肉，壽司底沾上一點兒柚子醋，非常清新一道壽司。這次和我一齊食飯的朋友不好生食，故此我們點了為數不少的熟食壽司，辣汁軟殼蟹壽司，軟殼蟹非常大一塊，但也許炸了一段時間，已有少許軟身，辣汁倒是惹味。專門叫給朋友的大蝦天婦羅壽司，天婦羅被炸得金黃，看著就覺得可口。後為芝士玉子壽司，前為火炙芝士皇帝蟹棒壽司，兩者面上都鋪著烤過的芝士和沙律醬，玉子蛋香味足，蟹棒也非常大條，頗為抵食。鵝肝芝士軟殼蟹卷，味道不錯，可惜我是完全看不到鵝肝啊😂壽司標配，鰻魚壽司，鰻魚肉質嫩,

有個豐富的星期六， 我約了朋友去睇戲， monster sushi 地點超級方便， 睇完戲就可以去同一個商場食壽司! 來到， 竟然有半價壽司， 真係太好啦！ 任叫任食都唔使擔心荷包都痛， 痛痛快快吃一頓 ！ 刺身， 鮮甜可口， 樣樣都好新， 好彈牙, 魚有魚味，蝦有蝦味, 就無雪味. 正！ 值得一讚嘅海膽壽司， 色澤光亮， 又飽滿，又creamy, 真係好好， 10分甘香！😍😍😍三文魚壽司鮮美可口， 十分肥美，配上芒果嘅花之戀， 味道就更上一層樓，更加豐富啦 ！ 👏👏👏

好耐好耐之前, 係monster sushi啱啱開既時候, 曾經去食過呢間壽司店, 當時純粹係因為名人效應去幫襯, 但食左一次之後就冇左食, 因為實在太貴。但最近, 係間間壽司店都加價既時候, 佢逆市推出半價時段, 仲由5點鐘就開始添! 最鐘意Monster sushi既地方係佢提供既食物款式好多, 有熱食又有特飲, 而且仲有我最鐘意既蕃茄湯添, 所以呢款蕃茄海鮮烏冬係我每次嚟到都一定會叫既食物, 不過注意一點就係熱食係冇半價架!至於壽司同刺身方面, 雖然做緊半價, 但都依然keep到水準, 幾新鮮!

今次係我第二次食呢家餐廳，整體味道ok，需要排隊，我就排左30-40分鐘左右。但入到餐廳就發現入面好多執好晒既空位，佢地根本就有位！當然執得咁靚，又唔畀人入去，會唔會係訂檯呢？因為今日我阿婆話想同我一齊黎，所以尋日我就問過有冇得訂位了。要食客排隊幫佢做人肉廣告，唔放人入去製造一個好多人排隊既假像，實在係不要得！然後上菜又上漏，張隔離檯既壽司拎黎，我地既整好左又唔記得拎出黎，行來行去唔知做乜。其實講到咁，再好食暫時都唔想再幫趁，味道冇好特別，有啲特色壽司既鮮味比過濃味道既醬汁蓋過，最不滿係故意要客人排隊。

同朋友講左我近嚟有唔開心嘢，佢就約我出來同我傾計。到出到嚟嗰刻，我地都未諗到食乜，就是但入左一壽司。 首先叫左海膽壽司，海膽一啲都唔肥美，唔係特别靚，仲較乾身的，份量都算足吧。 三文魚子都唔係脆卜卜的，有時食到啲外皮脆的，會興奮的，但新鮮呢啲野可遇不可求啊！明太子蛋卷，所謂明天子又會俾幾多你吖，都係輕輕地，有啲明太子味俾你feel到就算，食落算係暖暖地，唔會好結實，有鬆軟感。芝士燒玉子， 燒玉子有小小甜， 芝士燒得幾香，溶溶地咁，但玉子就無乜燒過，唔夠熱，可以既話，暖啲好啲。埋單嗰時，竟然係半價，我同朋友都唔敢出聲，第二朝問壹壽司fans同事，原來依家佢地延長做緊晚上半價，成晚都黑夜價，原來咁抵！早知再叫多啲啦😂！！

上次食過Sushi One的半價壽司非常失望, 細件而且不新鮮。朋友話monster sushi 不錯就即管試下啦。平日七點零去到有幾個人排隊，不過都好快有位。限時90分鐘，最低消費每人$100壽司、刺身、卷物、手卷和飲料半價。壽司和刺身都沒有將貨就價，維持正價的水準。三文魚刺身厚切而且新鮮其他壽司質素都不錯而且大件食物上枱速度都幾快，侍應亦主動加茶。如果小食都可以有半價就更加好啦。雖然限時90分鐘，但由於門外沒有人排隊，所以亦沒有被催促埋單。埋單兩人二百多元，抵食！

夜晚差唔多9點，喺I Square睇完戲諗住搵野食，見到monster sushi 下午5點半就開始半價時段，呢個時候唔使排隊，就入去食，刺身壽司飲品有半價。其實之前成日食某間黑夜壽司，自從果間提早咗半價時段之後，食物質素差咗好多，所以都冇再食果間。即管睇下5點半就開始半價時段嘅monster sushi啲野食有冇走樣。刺身壽司都算新鮮，唔係薄it it 一塊肉加飯，係正常size，帆立貝呀，魚呀，蝦呀都好鮮甜，貝類都好爽口，唔會腥。最欣賞佢個海膽壽司，係足料嘅，我都忍唔住要encore。小食全部都熱辣辣，幾好食，最鍾意食炸雞軟骨，又熱又脆，點埋個汁好正，叫咗杯Cocktail飲，送酒一流，杯Cocktail仲幾好飲，唔會藥水味，$20幾蚊杯又幾抵飲。

情人節不想訂位， 又不想排隊， 因此選擇了食壽司， 六時多到達， 直接可以入座!  重點係: 情人節都有半價!  店內座位大而且舒適， 2人都可以坐四人卡位， 唯一美中不足的是限時90分鐘， 有點趕， 不過情人節的晚上不能要求更多了。 珍寶帆立貝 - 老公勁like, 味道鮮甜， 肉質彈牙， 珍寶size相當有口感， 我覺得佢係monster sushi既鎮店之寶 劍魚腩 - 無魚味 芒果花之戀 - 芒果同三文魚味道非常夾！ 加上脆脆蟹子增加口感， 好成功既組合! 珍寶甜蝦 - 好甜同好有膠質 牡丹蝦 - 質地同甜蝦好似， 好膠質， 好味 左口魚邊 - 得個油字， 無魚味 北寄貝，赤貝，馬刀貝，象拔蚌， 赤肉螺 - 無味又乾 蝦鹽墨魚 - 墨魚新鮮爽口 黑松露三文魚 - 唔好期待有黑松露味，件燒三文魚都算唔錯 鰻魚玉子燒 - 鰻魚太少食唔出味道， 一般 赤海蝦 - 爽口， 我覺得一般， 老公好鐘意 油甘魚腩 - 唔錯 三文魚腩刺身 - 都幾厚， 算係肥美 蝦膏甜蝦海膽軍艦 - 甜蝦正蝦膏香海膽甜， 奇妙既組合！ 食完真係齒頰留香， 唔捨得飲水沖走個味。 食完飽到上心口，眼見仍有很多空位

之前聽朋友說5：30pm后半價，原來只是壽司，刺身和飲品半價。服務員之前只說一遍我們沒有聽清楚，以為是全部半價。。。上菜速度較快，先上的鰻魚玉子燒很美味但是之後的壽司味道一般般吧，wasabi 味道不是非常濃郁。

今日等睇戲時經過monster sushi, 無聊望下個menu, 價錢其實都唔平。不過望望下發現原來5:30pm 後有半價喎。所以5點半睇完戲就立即落黎昅下。排隊人數唔算多，我地5點9就入去喇，真係未試過咁早食飯 。最低消費一百蚊，限時個半鐘😆好緊張先叫左碗蜆仔麵豉湯暖下個胃，估唔到啲蜆都幾都大粒，有成五六隻，都有啲鮮味嫁。入面配料都算多，有豆腐，蝦乾，菇仔等等。$22蚊都算ok不過壽司就真係嘛嘛地😵，先講我覺得好食既款（5隻手指數得晒）：黑松露三文魚壽司，面頭沙律醬入面有黑松露，黑松露味都算幾濃，加埋火炙三文魚既油香，唔錯。 (*即時dl apps 既迎新獎賞，免費一客）油甘魚壽司，呢款算係食到有鮮味鵝肝芝士軟殼蟹卷，呢款都算幾香口，芝麻夾埋cream cheese 同炸軟殼蟹。不過幾樣野炒埋一齊，其實食唔到鵝肝味。跟住係唔好食既精選😵：火炙柚子胡椒和牛壽司，剩係食到柚子同胡椒味，好少可食牛係食唔到有牛味😑感覺係一塊無味既淡口肉，仲要好生下，希望唔會肚痛左口魚壽司，唔明點解要加pat 梅子醬，本身舊魚已經無味，剩係食到酸味。 之後再食三文魚，依舊係淡口。芝士鰻魚卷，感覺厚實， 內裏

見OpenRice post 的Monster Sushi食物相很吸引，即拉朋友去食～ 原來中午只供應午市套餐，沒有散點，但選擇算多，加上時間尚早人少少不用等位，決定照食～前菜柚子汁沙律，酸甜醒胃；千島醬通心粉，鹹酸中帶濃濃的胡椒味，滋味獨特；蒸蛋滑嫩，味道不錯。味噌湯，味道濃厚，加入豆腐及海帶增加口感層次，而最驚喜是加了兩粒蜆肉，令湯底更添海鮮鮮味～鮭三味丼，三文魚肥美，鮮味十足，入口即化，再沾上醬油鮮甜味更突出；三文魚籽味道清甜鮮美；三文魚肉沙律，酸甜清新；可惜整碗冷飯略冰硬，有點失色。朋友點了金芝麻冷烏冬配壽司，烏冬吸收了胡麻醬的酸甜味，香味濃郁，可惜壽司的飯也很冰冷， 朋友只吃過面層的刺身便放棄。結帳時，店員貼心地奉上兩粒雪米滋，我的是雲呢拿味，朋友的是黑芝麻味，冰涼清甜，服務周到～ 撇除需要改善的冷飯，整體質素頗高，價錢抵食，約$100由前菜食到甜品，份量十足， 心滿意足。