影片
更多
2016-02-02
2688 浏览
今次拣左一间素食餐厅，唔好谂住一定系传统中式素食㖞，佢系一间50年代三藩市风情既美式素食餐厅，入到黎都被佢地既装修摆设吸引住，呢个亦系好多客人喜欢黎帮衬既目的之一，因为可以影多d相。虽然餐厅唔大，细细的但算是坐得舒服，朋友们相聚吃吃喝喝，倾计笑下都不知几开心啊！想饮少少酒但要揸车既朋友唔洗惊，可以拣呢个冇酒精既啤酒，系呀...冇酒精的，我试左一啖，真系有啤酒味架㖞，当然比平日饮既淡少少啦！朋友拣左香蕉豆奶奶昔，口感太杰啦，冇乜甜味，香蕉味都几浓厚，上面既cream系有椰子味的，几得意吖，中意唔太甜奶昔的朋友可以试试。我就叫左呢杯Tropical smoothies，满满的热带果味，不过偏甜左，下次再叫一定要少甜先得。香草蒜香南瓜薯角 $88，浓浓蒜蓉味，加上黑椒既点缀，有啲似椒盐味道，南瓜焗到好软身仍带有水份，食起上黎唔会干，面薯角都值得赞，因为都唔系干到柴皮咁。泰式素串烧 $58，呢个一定要试，面筋有肉味而且口感烟un，炸粉唔多，一点都唔油腻，配上泰式甜酸酱令胃口大开。香草蒜香惹味烤菇 $88，卖相唔系好，但有内涵，大大只菇肉厚菇味浓郁，加埋蒜香完全是perfect，呢个烤菇做得好呀
今次拣左一间素食餐厅，唔好谂住一定系传统中式素食㖞，佢系一间50年代三藩市风情既美式素食餐厅，入到黎都被佢地既装修摆设吸引住，呢个亦系好多客人喜欢黎帮衬既目的之一，因为可以影多d相。
虽然餐厅唔大，细细的但算是坐得舒服，朋友们相聚吃吃喝喝，倾计笑下都不知几开心啊！
想饮少少酒但要揸车既朋友唔洗惊，可以拣呢个冇酒精既啤酒，系呀...冇酒精的，我试左一啖，真系有啤酒味架㖞，当然比平日饮既淡少少啦！
朋友拣左香蕉豆奶奶昔，口感太杰啦，冇乜甜味，香蕉味都几浓厚，上面既cream系有椰子味的，几得意吖，中意唔太甜奶昔的朋友可以试试。
我就叫左呢杯Tropical smoothies，满满的热带果味，不过偏甜左，下次再叫一定要少甜先得。
香草蒜香南瓜薯角 $88，浓浓蒜蓉味，加上黑椒既点缀，有啲似椒盐味道，南瓜焗到好软身仍带有水份，食起上黎唔会干，面薯角都值得赞，因为都唔系干到柴皮咁。
泰式素串烧 $58，呢个一定要试，面筋有肉味而且口感烟un，炸粉唔多，一点都唔油腻，配上泰式甜酸酱令胃口大开。
香草蒜香惹味烤菇 $88，卖相唔系好，但有内涵，大大只菇肉厚菇味浓郁，加埋蒜香完全是perfect，呢个烤菇做得好呀，肉厚得黎唔硬，依然好柔软有弹性同埋保留左菇汁。
椒盐炸脆豆腐 $88，呢个相比头先几味就失色左啦！冇乜特别之处，面头炸得唔够松脆，因为炸过既关系，豆腐比较干身同埋鞋口，质地有d似臭豆腐咁，以呢个价黎睇好似唔多值。
呢个差唔多个个客人都点，素黑椒大豆炸饼汉堡包，伴南瓜薯角，卖相几靓吖有睇头，个大豆炸饼有有轻微黑椒味道，同肉肉都有几分相似，整体唔算特别好食，但好似signature咁一定要试试啰。
最后呢碟豆奶黑松露酱什菌烩意粉 $148，真心好好味，什菌既香冇俾黑松露盖过哂，不过咁样唔代表冇黑松露味，只系配合得刚好，意粉好滑好弹牙，个汁唔洗讲我都劲中意，唔会太稀而且每条意粉都沾到酱汁，好满足啊！
张贴
