波仔記車仔麵

营业中

休息中

今日介绍朋友一起到鹅颈桥街市熟食市场食呢个波仔记车仔面，用OpenRice share link 俾我朋友嘅时候，我发现呢一间有几十年历史，我由细食到大，有手推车仔做到咁大间铺嘅老字号， OpenRice竟然咁少食评同咁少赞！老板真系好低调高手，今次真系要打返一篇推介下俾大家。其实呢间波仔嘅车仔面系呢一区已经好出名，基本上钟意食车仔面嘅人都应该识佢哋。你间车仔面最有名嘅就系车仔捞面，听闻系几十年前老板一手开创的！佢嘅秘制酱汁有别于出边普通嘅豉油捞粗，食落带点甘香，而且面质亦都好有水准，唔会太林，有弹性，加上秘制酱汁食落口好滑。我食咁多年都冇失手过。我今次自己冇食到不过都要介绍吓就系煎鱼饼，真系好好食，香口得来亦唔会觉得太油腻，中间的鱼肉仍会好似外面加好多粉去处理。另外牛腩，鸡脚，大肠都系我每次去食仅有一样会叫！讲咁多无谓，未食过真系要去试吓。另外一提佢嘅汤面都好正，食落口唔会好似饮紧味精汤咁，食完唔口渴之余，味道亦都好够。