芭堤雅泰國餐館

营业中

休息中

今午有同事话系元朗Yooho Town附近有间泰国菜唔错，咁啱要去元朗做嘢，约晚上六点半到了餐厅，地方唔算大，但装修同坐位舒适，七点前已满坐，私心提议要提早book位！我同朋友二人点咗泰式拼盘，有粉丝春卷，芝麻鸡翼，鱼饼同虾饼，春卷炸得脆，包住粉丝好惹味又唔腻，芝麻鸡翼肉质嫩滑又香脆，但我觉得最好食系虾饼，爽口弹牙有虾味，配埋酸甜汁好好味。美国牛肋肉串烧，厨师用牛肋肉加入少许自家制酱汁来提升肉质，入口香嫩又juicy, 有齿夹留香的口感。泰式黄咖喱牛筋腩，软滑香霖，配薄饼点汁就最夹。最后加埋泰式飞天通菜，厨师炒得惹味香口。二个人点咗四个𩠌都好饱，结账唔驶五百元，都几抵食，系值得推介朋友的餐厅！