影片
更多
2019-05-05
70 浏览
呢栋大厦翻新左之后变左成间都系食肆，好似好吸引，所以就同左朋友去食，两个人梗系滚下滚下好玩啲，所以我地就去左打边炉。呢度啲装修好有心思，为左配合返街场呢个名，将个场整到好多足球装饰。我地拣左个海鲜套餐，汤底就拣左花胶螺头鸡汤，就跟埋个海鲜拼盘同埋主食拼盘。好得意吖，佢个炉系用木桶，而个桶侧边就有啲窿，等啲汤滚返入去，咁个味道就会愈滚愈浓郁，正。个汤底啲料都几多。啲花胶够大块同弹牙，我地两个人分都每人有4-5块，食完觉得个人多左好多骨胶原吖😂个海鲜拼盘有惊喜㖞，因为实在好揼本吖，有龙虾，生蚝，蚬。啲海鲜够新鲜，放系个汤底度滚滚下，特别入味！😚😚而于个主食拼盘有个必赞推介，就系油炸鬼加蟹籽。一开头唔知系咩，所以我哋照放左落去滚，点知稔晒。后来问咗店员先知道原来本来就熟咗，所以唔渌都得，不过就算渌，渌一阵就得㗎啦，即系响铃啲朋友。顺便一提呢度仲有酒嗌咖，红酒白酒都有。打边炉咁高兴，当然有酒就更加开心啦
呢度啲装修好有心思，为左配合返街场呢个名，将个场整到好多足球装饰。
我地拣左个海鲜套餐，汤底就拣左花胶螺头鸡汤，就跟埋个海鲜拼盘同埋主食拼盘。
好得意吖，佢个炉系用木桶，而个桶侧边就有啲窿，等啲汤滚返入去，咁个味道就会愈滚愈浓郁，正。
个汤底啲料都几多。
啲花胶够大块同弹牙，我地两个人分都每人有4-5块，食完觉得个人多左好多骨胶原吖😂
个海鲜拼盘有惊喜㖞，因为实在好揼本吖，有龙虾，生蚝，蚬。啲海鲜够新鲜，放系个汤底度滚滚下，特别入味！😚😚
而于个主食拼盘有个必赞推介，就系油炸鬼加蟹籽。一开头唔知系咩，所以我哋照放左落去滚，点知稔晒。后来问咗店员先知道原来本来就熟咗，所以唔渌都得，不过就算渌，渌一阵就得㗎啦，即系响铃啲朋友。
顺便一提呢度仲有酒嗌咖，红酒白酒都有。打边炉咁高兴，当然有酒就更加开心啦
张贴
