影片
更多
2023-09-25
2834 浏览
好耐冇系东涌Essence食Buffet，记得以前去过都几抵食，唔知而加质素如何呢?趁假日去一转。今次主题系泰国水上市场自助餐，假日自助晚餐每位$460有7折，折扣后$322再加一，即系每位$354.2，吸引几价格。餐厅面积宽敞，坐位十分舒适，今次主题系泰国菜，即睇下有咩食。热盘。冷盘，刺身自己夹。限定之选区，泰菜主打有串烧、冬荫功大头虾汤、海南鸡饭、卤水猪脚船面。烧蚝，好吸引呢。头盘。Movenpick。甜品区。饮品区。先来转冷盘，长脚蟹鲜，味道不俗，螺有点韧，青口同蚬冇乜鲜味。刺身唔太新鲜，味道一般，系三文鱼好点。冬荫功大头虾汤，本身Like冬荫功必试下，个汤味道偏酸，少许辣，冇乜鲜味麻麻地。卤水猪脚船面，呢个位比较多人排队，都几大碗，最好就系Share，汤底浓郁，卤水猪脚肉质软腍入味，味道不俗。海南鸡饭，卖相一般，鸡肉好硬同冇味，个饭唔觉有油香，唔怪得冇乜人要。串烧几惹味。烤鸭胸红咖哩配荔枝，鸭胸口感软腍，咖哩少辣有椰香，加上有荔枝味道清甜。烧蚝，多人排队之一，一次可以拎两只，蚝Size争好远，有只实在太细粒了问可唔可以换，因为太细之下比多只，烧蚝冇乜鲜味，友人仲要食到只唔新鲜.
好耐冇系东涌Essence食Buffet，记得以前去过都几抵食，唔知而加质素如何呢?趁假日去一转。今次主题系泰国水上市场自助餐，假日自助晚餐每位$460有7折，折扣后$322再加一，即系每位$354.2，吸引几价格。
餐厅面积宽敞，坐位十分舒适，今次主题系泰国菜，即睇下有咩食。
热盘。
冷盘，刺身自己夹。
限定之选区，泰菜主打有串烧、冬荫功大头虾汤、海南鸡饭、卤水猪脚船面。
烧蚝，好吸引呢。
头盘。
Movenpick。
甜品区。
饮品区。
先来转冷盘，长脚蟹鲜，味道不俗，螺有点韧，青口同蚬冇乜鲜味。刺身唔太新鲜，味道一般，系三文鱼好点。
冬荫功大头虾汤，本身Like冬荫功必试下，个汤味道偏酸，少许辣，冇乜鲜味麻麻地。
卤水猪脚船面，呢个位比较多人排队，都几大碗，最好就系Share，汤底浓郁，卤水猪脚肉质软腍入味，味道不俗。
海南鸡饭，卖相一般，鸡肉好硬同冇味，个饭唔觉有油香，唔怪得冇乜人要。
串烧几惹味。烤鸭胸红咖哩配荔枝，鸭胸口感软腍，咖哩少辣有椰香，加上有荔枝味道清甜。
烧蚝，多人排队之一，一次可以拎两只，蚝Size争好远，有只实在太细粒了问可唔可以换，因为太细之下比多只，烧蚝冇乜鲜味，友人仲要食到只唔新鲜...之后唔敢再拎了。
烧鸡翼我钟意食。香兰叶包鸡，冇乜清香味，鸡肉有少许似绵花鸡的口感。
牛肉口感软腍，正常水准。
羊鞍，唔够惹味，膻味劲，肉质软腍。
菠萝鸡粒炒饭，正常水准。鱼肉唔够滑。
龙虾汤，味道浓郁。
又到甜品时候，唔多选择，冇乜泰国甜品，本身有椰汁西米糕，但之后再冇Refill...芒果黑糯米布甸，冇乜糯米味道太流，泰式奶茶奶冻，奶茶味淡，其他都系普遍会有的芝士蛋糕、椰子慕丝、窝夫、葡挞、抹茶红豆卷及椰汁糕等，味道普通。
牛角酥窝夫，较有特色的甜品，卖相有点似鸡蛋仔形，口感酥脆香口几美味。
绵绵冰，有三色粉条作点缀及少许榴梿肉果下正，绵绵冰口感绵滑微甜。
Movenpick雪糕，试了四款口味，法式焦糖炖蛋好甜，士多啤梨酸酸地有果肉清新，意大利奶冻香甜及呍呢拿美味。
饮品尚算多选择，甘荀汁几好饮，咖啡都不俗呢。主打的泰国菜食物味道一般，其他食物味道普通，感觉水准下降左，不复当年勇，环境就几舒服，服务都算几好，格价都真系几平，满足左食Buffet的口腹之欲，但如果真系想食好野就真系争点，唔知转左其他主题会唔会好点呢。
主题:泰国水上市场先助餐(2023年8月30日至10月3日)
自助晚餐
星期一至日及公众假期 (下午6:30–下午9:30)
每位$460
有7折有优惠
张贴
