龍點心 (軒尼詩道)

营业中

休息中

食物价钱唔算平，味道一般。本身都觉得可接受，但食到最后发生咗件事令到我地好唔高兴。我地点完第一轮点心后觉得唔够食，所以点多咗个蒸饭。当个蒸饭刚刚嚟到时，有个阿姐突然走埋嚟话我地用餐时间已够，我地话唔知有限时，个阿姐话订位时已经讲咗用餐时间1小时，但我话好肯定无。但个阿姐有理无理已放底咗张单走咗去。我就睇下当时几点啦，发现只系食咗55分钟，即系就算用餐时间只有1小时我地亦未超时，但个阿姐嘅态度真系令我地好唔舒服。而且点解当我地加单时个侍应唔同我地讲未必够时间食呢？！最后我地好急咁用咗10分钟食完个蒸饭就埋单走人。今时今日咁嘅服务态度，我地已经系难得留港消费𠮶一班人，仲要受到咁嘅对待，怪不得个个也北上消费。