等 (已結業)

朋友住太子，知道新开咗呢间文青系cafe，又系黄店，所以决定试一试。我早到，当时12:30，但朋友未到，我见店入面都几多吉位，就喺店外嘅长凳坐住等朋友。坐咗一阵，侍应开门，我谂朋友都就到，不如入去坐住等，但侍应话要人齐先入得—ok，好正路。隔咗10分钟，我朋友嚟到，同时亦有另外两个客人嚟到店舖前。侍应畀飞我哋，但明明我到先，侍应畀2号飞我，畀1号飞另外两个客。我当时又冇乜所谓，心谂应该都好快入。点_知，原来入面好多枱都系订枱，1号飞入咗去，我同朋友等到1:30都未入得。又有另一对情侣嚟到店外，但佢哋等咗一阵，原来系有订位，又喺我哋之前入席。其实系沟通问题。我见有对walk-in父子嚟到，个侍应又识同佢哋讲应该要等到2:30。顶，你又唔同我哋讲？我哋一直戆居居坐喺出面。我同朋友问，佢又话「唔好意思，要等一阵」。我真系估唔到「一阵」系咁耐。大家要去试呢间店，记得订位。朋友住附近，话都会再畀机会试吓食。我就「等」到成肚气，不了。