影片
更多
2021-06-30
602 浏览
店舖未开张前,夜晚经过见到,就已经俾佢个铁闸吸引咗,难得收早,就算返咗屋企冲好凉,都想落去试一试,但可惜未坐低就已经有一个不愉快嘅经历,就系我地想坐4人枱,谂住可以坐得舒服啲,但楼面个妹妹唔比我地坐,要我地面壁思过,这是我地最讨厌的坐位,楼面唔俾坐嘅原因,佢话呢张系4人枱🙄但系全场只有3张4人枱,点解其余果2张4人枱都只系坐咗2个人,但就点解唔俾我地坐,但之后果2个人入嚟又可以坐呢🤷🏼♀️我真系谂唔明,如果唔系我地已经买咗食物卷,我一定会唔帮衬,即走,因为唔想失礼同楼面嘈,所以只好心心不忿面壁思过咁食呢一餐😭讲返呢间舖头先,menu拉面款式只有两款,小食都系得几款,menu一眼就可以望晒,其实好岩我呢啲有选择困难症嘅人去食,餐厅格局都似日本嘅拉面店,门口设自助点餐售卖机,买好后楼面就会收卷叫你坐低等食,电视仲要系播紧tv asahl ,岩晒挂住日本嘅我。【豚骨汤面】$75汤底系猪骨味,没有惊喜,有香葱和云耳配衬,幼身拉面面质适中,叉烧没有肥位,食落冇咁香口,但都林身不会干柴。【虾味噌豚骨拉面】 $85猪骨汤底加味噌,可能有樱花虾,所以感觉有啲咸,拉面叉烧同上,配香葱和粟米。【饺子】$3
讲返呢间舖头先,menu拉面款式只有两款,小食都系得几款,menu一眼就可以望晒,其实好岩我呢啲有选择困难症嘅人去食,餐厅格局都似日本嘅拉面店,门口设自助点餐售卖机,买好后楼面就会收卷叫你坐低等食,电视仲要系播紧tv asahl ,岩晒挂住日本嘅我。
【豚骨汤面】$75
汤底系猪骨味,没有惊喜,有香葱和云耳配衬,幼身拉面面质适中,叉烧没有肥位,食落冇咁香口,但都林身不会干柴。
【虾味噌豚骨拉面】 $85
猪骨汤底加味噌,可能有樱花虾,所以感觉有啲咸,拉面叉烧同上,配香葱和粟米。
【饺子】$35
底部煎至金黄色, 馅料唔多, 但都有肉汁
总结:没有惊喜,加上楼面,所以我地系唔会再帮衬㗎。
张贴
