影片
更多
2023-06-14
401 浏览
之前嚟K11都见到排长龙，今日难得冇人排，于是决定入去食下梳乎厘。我同家姐两个人入去食。一入到去有个女侍应指我哋去坐门口果张间开咗嘅2人枱。转身就走。但我哋其实唔系太钟意坐门口位，因为多人岀岀入入，咁啱入面少少有张吉枱，我哋就问另一个经过嘅侍应可唔可以坐入面果张，佢都系指门口果张比我哋。其实都有少少唔开心，但系都算数，因为想试下呢间。食物我哋叫咗一个士多啤梨Mochi 梳乎厘，同冻焙茶Latte （转豆奶）。饮品先上，有少少同menu 个图片不符，menu 图系焙茶同奶层次分明，初时冇为意，以为混埋咗。点知后尾见到侍应拎同一款去其他枱，而果杯同menu 一样系有层次嘅。不过估系转咗豆奶底嘅关系。但系冇相冇真相。虽然叫咗少甜，但系个人觉得都有啲甜。然后士多啤梨Mochi 梳乎厘终于嚟啦。美食当前都想打张卡先，但系比侍应破坏咗。事关个侍应好粗鲁咁样摆低碟梳乎厘然后就走咗，面头个mochi 连士多啤梨cream 就系梳乎厘上面sir 咗落去，好彩赶得切用叉扶返起。但摆返上去之后已经破坏左食物外观。佢个mochi其实就系面头嘅糯米皮，比较厚身嘅，旁边有士多啤梨果酱同云呢拿雪糕。都比较普通。底层
我同家姐两个人入去食。一入到去有个女侍应指我哋去坐门口果张间开咗嘅2人枱。转身就走。
但我哋其实唔系太钟意坐门口位，因为多人岀岀入入，咁啱入面少少有张吉枱，我哋就问另一个经过嘅侍应可唔可以坐入面果张，佢都系指门口果张比我哋。
其实都有少少唔开心，但系都算数，因为想试下呢间。
食物我哋叫咗一个士多啤梨Mochi 梳乎厘，同冻焙茶Latte （转豆奶）。
饮品先上，有少少同menu 个图片不符，menu 图系焙茶同奶层次分明，初时冇为意，以为混埋咗。点知后尾见到侍应拎同一款去其他枱，而果杯同menu 一样系有层次嘅。不过估系转咗豆奶底嘅关系。但系冇相冇真相。
虽然叫咗少甜，但系个人觉得都有啲甜。
然后士多啤梨Mochi 梳乎厘终于嚟啦。
美食当前都想打张卡先，但系比侍应破坏咗。事关个侍应好粗鲁咁样摆低碟梳乎厘然后就走咗，面头个mochi 连士多啤梨cream 就系梳乎厘上面sir 咗落去，好彩赶得切用叉扶返起。但摆返上去之后已经破坏左食物外观。
佢个mochi其实就系面头嘅糯米皮，比较厚身嘅，旁边有士多啤梨果酱同云呢拿雪糕。都比较普通。
底层嘅梳乎厘切开有少少散，好似唔多熟咁。
当我哋食到差唔多嘅时候，岀面开始有人排队。食完冇耐，有个侍应声都唔声就收走晒所有碟、餐具兜，觉得啲侍应有啲冇礼貌。
最后，卖单比Alipay ，个侍应叫我哋拍落去部卡机信用卡感应器果度，然后就走开做其他嘢。但系Alipay不嬲都系扫QR code咖㖞。侍应行开咗我哋又唔会擅自攞起佢部机嚟扫，所以就好努力咁攞住自己嘅电话系佢部卡机嘅自置镜头扫。但佢部卡机收得比较入，都睇唔到扫唔扫到。到最后侍应终于返埋收银位。我哋先同佢讲Alipay 唔系扫咩。佢先拎起部机扫我哋个Alipay ，全程都冇讲过一句嘢。
最后总结，食物味道一般，而因以上种种，令我觉得服务态度颇差。
Strawberry mochi soufflé
$118
8 浏览
0 赞好
0 留言
张贴
