影片
更多
2015-08-30
2892 浏览
原本系佢开张无耐，我同朋友去食过一次，整体觉得间野好唔错，加上元朗本身放题较少，所以食过之后都有推荐过其他朋友去食 但点知今次再同另一位初次黎食既亲戚去食，唔知系咪因为过左开张一排，铺头质素低左好多。首先环境方面，铺头装修同卫生并唔差，但因为个场比较细，而且密封几应声，所以嘈起上黎会几难受 ，而我地今次就唔好采撞正班大陆人系隔离（操大陆口音），当然我知道呢样并唔系间铺问题，但食饭期间我同第二个讲野都难左野食方面，我第一次食既时候感觉d野都无咩问题，但今次食到几样野觉得嘛嘛，刺身多数都唔差，如果多人既话，更会有特制既刺身船上格，卖相非常独特。 但另一方面我地食到带子有沙，酒煮蚬亦有同样问题。今次铺头送左个烧鳗鱼俾我地，哥个烧得唔错，值得一赞，寿司，军舰，天妇罗都有市面质素，但小食入面，青口口感差，牛柳粒几喊而且几难咬而今次令我违久写食评既原因系铺头既服务态度!呢样亦系我对呢间铺最失望既理由!第一样，系放题既时候出现漏单情况并唔系大问题，我明白要处理咁多张枱同单有错漏好正常，但我今次放题竟然严重到追3次单，仲要追到临走前10分钟先肯黎，而漏既野有成5样之多 ，咁样漏法我真系闻所未闻
但点知今次再同另一位初次黎食既亲戚去食，唔知系咪因为过左开张一排，铺头质素低左好多。
首先环境方面，铺头装修同卫生并唔差，但因为个场比较细，而且密封几应声，所以嘈起上黎会几难受 ，而我地今次就唔好采撞正班大陆人系隔离（操大陆口音），当然我知道呢样并唔系间铺问题，但食饭期间我同第二个讲野都难左
野食方面，我第一次食既时候感觉d野都无咩问题，但今次食到几样野觉得嘛嘛，刺身多数都唔差，如果多人既话，更会有特制既刺身船上格，卖相非常独特。 但另一方面我地食到带子有沙，酒煮蚬亦有同样问题。
今次铺头送左个烧鳗鱼俾我地，哥个烧得唔错，值得一赞，寿司，军舰，天妇罗都有市面质素，但小食入面，青口口感差，牛柳粒几喊而且几难咬
而今次令我违久写食评既原因系铺头既服务态度!呢样亦系我对呢间铺最失望既理由!
第一样，系放题既时候出现漏单情况并唔系大问题，我明白要处理咁多张枱同单有错漏好正常，但我今次放题竟然严重到追3次单，仲要追到临走前10分钟先肯黎，而漏既野有成5样之多 ，咁样漏法我真系闻所未闻大开眼界
第二，铺入面有提供一人限叫一杯既movenpick雪糕系呢度既一大特色，第一次去，佢只得士多啤梨一个味，令我今次去有期待过佢会唔会有朱古力味（因为个人钟意食），点知张单纸真系写有朱古力味，仲写明系新产品，我当然好开心咁叫左，但到黎既时候，职员放低既雪糕全部都系士多啤梨味，放完就走左去，于是我揾另一个黎问，佢先讲得番呢只味…佢无货原来系唔洗同客人讲声，仲可以帮我揸主意换埋味，令我感觉佢地好唔尊重客人
最后，系整次放题期间，职员完全无笑容，好似真系一个都无。而且漏单或俾错食物都唔会讲唔好意思，一次追单哥阵，有个年青女职员同我们写紧漏单，另一个年青男职员就系个女既后面啤住我地，彷佛好似间铺既睇场咁，就算想维护同事，请你都唔好用咁既态度回应
我同同行黎既都对呢间铺既印象差晒，下次都系出番mk食算
张贴