2024-04-27
1584 浏览
𠮶日去开北角, 特登搜寻有咩美食。见呢间系米芝莲推介, 行10分钟都要过去试吓。 铺仔啲装修好似啲粉面舖, 其实冇乜装修更加好,因为唔会将啲开支转介去食客, 𠮶日去到12点左右, 未到食晏时间已经多人。佢有好多套餐都系包咗煎锅贴, 我𠮶日叫咗锅贴同生煎包套餐包咗个酸辣汤, $60, 如果好食价钱一啲都唔贵。 平时我系唔食酸辣汤嘅,因为太辣同太酸, 一试佢个酸辣汤即刻觉得好好饮, 唔太酸唔太辣,啲料又足, 又开胃夏天真系好适合。 佢主打嘅锅贴同生煎包都好出色, 无论系个馅定个外皮, 都做得好好!生煎包个馅啲油,汁同个馅比例啱啱好。锅贴都好味。佢个馅啲肉做得好好,唔会明显有猪肉味, 食过一定会返转头。 果然名副其实米芝莲👍🏻
张贴