釜之魂釜飯專門店 (淘大商場) (已結業)

去淘大，经过呢一间💛食店，又咁啱想食日本野，想食评都相当之多赞赏，于是就入去试吓。提前讲一讲，因为已经食咗有一段时间，而家都唔记得咗𠮶个套餐叫咩名。首先，乌冬唔弹牙，夹起已经断开，汤底味精浓⋯上面个几块野又「鞋」口⋯⋯至于𠮶个饭，都算可以，不过上面𠮶旧肉就好难咬⋯⋯食食吓，都有啲后悔系咪叫鳗鱼会比较安全。似乎我点𠮶两样嘢都唔系精选最惨系服务态度都好一般⋯⋯黑口黑面⋯⋯其实都几失望，打响头炮黄店，虽然入面系仍然有好多唔同嘅文宣，但系食物品质真心唔太好。我唔希望因为系黄店，所以即使佢唔好食我都要赞到佢飞起。