小時光 (已結業)

懷舊裝修的確係打卡一流 但食物同員工服務態度差 仲要肉類煮唔熟 好失望我同朋友見係黃店所以幫襯下 嗰日係禮拜日下午五點 入到去見到無其他客人 只有一堆員工坐喺度邊食譚仔外賣邊吹水 就咁比份餐牌我地然後安排座位就算雖然係自助形式點餐 但員工態度真係唔得由於餐牌嘅印刷模糊 我同朋友都留意唔到禮拜日冇免費餐飲 喺收銀機叫嘢食時 叫咗台式滷肉飯便當 一份鹽酥雞 仲有芝士肉鬆蛋餅 諗住叫埋嘢飲時 員工黑住面淨係一句「正價喎」撻落嚟當下感覺都幾差點完餐諗住有嘢食會開心啲 但嘢食都好令人失望尤其係滷肉飯便當嘅雞翼 咬落去仲係生嘅 而且係咬唔入 仲有雪藏味 我諗一般滷味應該要時間熬製 但感覺就係食材未解凍就丟落去灼下就算......滷肉飯上面嘅滷肉好似便利店啲即食飯盒只有蛋餅同鹽酥雞叫ok特登download openrice只為寫劣評 無下次了