慢煮工業 (已結業)

呢间小食亭系一个好钟意揾嘢食嘅朋友介绍俾我知。平时成日都行尖东，成日都经过百周年纪念花园，但我真系从来无留意到呢度有个咁chill 嘅小食亭。自从发现咗呢到之后，真系差唔多一个月至少食一次，一食就食咗年半。先讲环境，其实就系一个公园中间有个卖嘢食嘅地方（好似好废），但即系话呢到只有少量座位。你可以买走喺公园揾个地方坐低食，或者喺店嘅边位度食，大概可以同时坐4个人。再讲食物选择，呢个好chill，有三文治，沙律，薯条，鸡翼小食etc。一啲西餐厅会有嘅嘢，佢都会有，但一啲西餐厅无嘅嘢，佢都有。例如手工啤，大啡菇，章鱼小丸子，甚至系炸萝卜糕。其实食咗好多次，我已经差不多食哂佢嘅全部嘢。但可惜最近先开始写食评，所以今日写住２样嘢先。今日真系有点热，要企户外食嘢真系无能力食太多。所以叫咗个招牌慢煮安格斯牛扒芝士三文治（加薯条），同芝士流心蛋大啡菇。芝士流心蛋大啡菇：大啡菇非常JUICY，好重菇味，佢唔会整到干争争，咬落去系有水份有汁。个蛋系真系半熟流心，煮到岩岩好。第一次食果阵吉穿咗，蛋汁流哂落纸盒我仲觉得好浪费添。呢个大啡菇真系要连住蛋一齐食，加埋面头个芝士用火枪烧过，好完美嘅配搭。慢煮安格斯