豚組 (已結業)

新年时想试试，竟然冇开门 之后终于有机会再去，服务、环境及食物卖相我都觉得几好，但食物方面，就真系见仁见智同gf 每人叫左一个唔同既炸豚肉定食, 话就话定食, 但系又冇前菜, 又冇野饮，本来有个汤，但我地将原本既白饭upgrade左做石锅辣汤乌冬，所以连汤都冇埋...等野食果阵，侍应俾左一「旧」磨芝麻既物体我地，等我地自己磨吓芝麻，冇咁闷，加埋枱面既麻酱混合埋一齐就变成自家制麻酱。个石锅乌冬同出名食石锅乌冬既「万豚屋」完全冇得比，份量少不特止，又唔辣，乌冬口感尚可，但整体麻麻地。豚肉方面，一个系炸芝士豚肉，一个系炸白豚。先讲炸芝士豚肉，切开有芝士流出黎，芝士味浓，豚肉本身就冇咩味，但同芝士一齐食就产生化学作用，令鲜嫩既豚肉更惹味!但炸白豚就唔系咁得，虽然咬落松化，但豚肉本身都系冇味，加之前整既麻酱食，效果一般，我就落左d山葵醋系伴碟既生菜丝度，再同埋d豚肉一齐食，咁先容易d入口。价钱一d都唔平，加埋一就2百几蚊啦...我自问唔系好识日本既饮食文化，当我唔识食，所以我放佢一马，唔俾喊面啦!