丸·茶手作 (勝利道) (已結業)

今日睇左篇「记者试食」报导讲香港Top20既珍珠奶茶店铺。花先生一向钟意饮珍珠奶茶，我话比佢知有间小店攞第一名，我地就即刻走去试啦！铺仔细细只有2个人，唔知系咪篇报导出街后两位做唔停，做到已经目无表情。黑糖珍珠卖哂，桂花珍珠都无，咁唯有试芒果寒天珍珠。我地拣左少甜少冰。唔算多人，等左5分钟左右就有。大啖饮，咁奶既⋯⋯ Eee⋯⋯ 未摇匀？唔系㖞！真系奶味偏重盖过茶味无茶香！又话用心摸索出奶同茶既黄金比例，我唔觉啰⋯⋯我觉得篇报导既第二名「阿元来了」好饮好多！不过佢既芒果寒天珍珠值得一赞，几特别，几Q，芒果味好香。奶茶认真麻麻，芒果珍珠为佢挽回不少分数。地点又唔系旺区，未必有下次！