影片
更多
2021-09-20
55 浏览
一直以为Dazzling Cafe系港女餐厅，原来都唔系，入到嚟年龄层好广，有一家大细，有上咗年纪嘅夫妇，当然唔少得拖友同闺蜜团啦。望下个餐牌，唔算贵㖞，怪唔得咁受欢迎长期有人排队啦！菜式款式多，台式fusion西式，好啱口味！软壳蟹沙律，只蟹好大只好多肉！份量仲多过啲菜。如果可以多返啲菜我会开心啲。叫咗一份蕃薯条share，估唔到份量都几大。望落去好似炸得耐咗，但食落唔系㖞，仲好moist，啖啖蕃薯肉，好味过好多台式料理餐厅㖞！呢个真心推介！主菜我哋叫咗佛罗伦斯花枝干贝面，卖相非常唔错，口味竟然系似台式嘅炒面，好惊喜～用咗九层塔去找，加埋适量黑椒，辣辣地好开胃。服务员有问啲带子上全熟定半熟，服务好好超乎我意料！食物卖相靓，饮品卖相仲靓！叫做两款热茶，一个earl grey同大吉岭，估唔到嚟到咁多架生（笑）果然饮茶都要有仪式感！！服务员有教我哋呢套架生点用法，仲同我哋讲可以加热水～粒绵花糖系用来浸一下加啲啲甜味（或者用后面啲方糖都得）Earl Grey另外有杯奶，好英式呀～大吉岭有两片干柚子，甜甜酸酸咁，好解腻。嚟到dazzling cafe唔可以唔食甜品打个卡，窝夫必食，有4款口味，
一直以为Dazzling Cafe系港女餐厅，原来都唔系，入到嚟年龄层好广，有一家大细，有上咗年纪嘅夫妇，当然唔少得拖友同闺蜜团啦。望下个餐牌，唔算贵㖞，怪唔得咁受欢迎长期有人排队啦！菜式款式多，台式fusion西式，好啱口味！软壳蟹沙律，只蟹好大只好多肉！份量仲多过啲菜。如果可以多返啲菜我会开心啲。
叫咗一份蕃薯条share，估唔到份量都几大。望落去好似炸得耐咗，但食落唔系㖞，仲好moist，啖啖蕃薯肉，好味过好多台式料理餐厅㖞！呢个真心推介！
主菜我哋叫咗佛罗伦斯花枝干贝面，卖相非常唔错，口味竟然系似台式嘅炒面，好惊喜～用咗九层塔去找，加埋适量黑椒，辣辣地好开胃。服务员有问啲带子上全熟定半熟，服务好好超乎我意料！
食物卖相靓，饮品卖相仲靓！叫做两款热茶，一个earl grey同大吉岭，估唔到嚟到咁多架生（笑）果然饮茶都要有仪式感！！服务员有教我哋呢套架生点用法，仲同我哋讲可以加热水～
粒绵花糖系用来浸一下加啲啲甜味（或者用后面啲方糖都得）Earl Grey另外有杯奶，好英式呀～
大吉岭有两片干柚子，甜甜酸酸咁，好解腻。
嚟到dazzling cafe唔可以唔食甜品打个卡，窝夫必食，有4款口味，4款都想食，最后决定要朱古力！！果然冇失望，旧雪糕系movenpick嚟～加啲啲蜜糖，真系好味到停唔到口，个窝夫可以另加$15加麻薯，但我哋冇加到，窝夫一样系好烟韧。今铺又减肥失败喇...
张贴
