影片
更多
2021-11-24
37 浏览
「不时不食」系一餐おまかせ(omakase)最能够体现到出黎。几个月前食过夏季既omakase，趁住天气转冻，系时候约个最识食既朋友再次出动，叹下冬季时令既日本食材，顺便一解「思乡」之苦！║前菜、刺身║🥢前菜先黎一道慢煮𩽾𩾌鱼肝，𩽾𩾌鱼本身其貌不扬，但𩽾𩾌鱼肝就系当中既宝藏，啖啖滑溜，伴上既柚子茸带黎丝丝清新，系个好正既开胃菜；🥢再黎花咲蟹拆肉，伴苹果醋加土佐醋混合而成既啫喱，酸甜交错，仲有d紫苏花香；🥢烟熏䲠鱼视觉效果十足，伴上腌洋葱几特别，刺身豉油带甜味，平衡得好好；🥢鲛鲽鱼经过火灸，油香十足，再裹入芽葱及柚子啫喱，清下味蕾；🥢期待已久既秋刀鱼绝对系时令之选，鱼身里面有d酱油脆脆，表面都有火灸处理，钟意浓味鱼香一定唔可以错过！║煮物║慢煮三个钟既矶煮南非鲍鱼，size超巨型！汤头有昆布同清酒，仲有师傅既无限爱心。（秘方）🤣🥰║炸物║甘鲷松笠烧令人眼前一亮，炸到好香脆既鳞片，唧d青柠汁同埋喜马拉雅山岩盐，食埋热辣辣而腍滑既鱼肉，香口野永远都系不可抗拒既！食埋姜芽清下口腔味蕾，为寿司做好准备。║寿司║🍣 昆布盐渍帆立贝寿司，梅子作topping，清新鲜甜；🍣池鱼鱼边寿司，鱼边经灸烧过，
║前菜、刺身║
🥢前菜先黎一道慢煮𩽾𩾌鱼肝，𩽾𩾌鱼本身其貌不扬，但𩽾𩾌鱼肝就系当中既宝藏，啖啖滑溜，伴上既柚子茸带黎丝丝清新，系个好正既开胃菜；
🥢再黎花咲蟹拆肉，伴苹果醋加土佐醋混合而成既啫喱，酸甜交错，仲有d紫苏花香；
🥢烟熏䲠鱼视觉效果十足，伴上腌洋葱几特别，刺身豉油带甜味，平衡得好好；
🥢鲛鲽鱼经过火灸，油香十足，再裹入芽葱及柚子啫喱，清下味蕾；
🥢期待已久既秋刀鱼绝对系时令之选，鱼身里面有d酱油脆脆，表面都有火灸处理，钟意浓味鱼香一定唔可以错过！
║煮物║
慢煮三个钟既矶煮南非鲍鱼，size超巨型！汤头有昆布同清酒，仲有师傅既无限爱心。（秘方）🤣🥰
║炸物║
甘鲷松笠烧令人眼前一亮，炸到好香脆既鳞片，唧d青柠汁同埋喜马拉雅山岩盐，食埋热辣辣而腍滑既鱼肉，香口野永远都系不可抗拒既！食埋姜芽清下口腔味蕾，为寿司做好准备。
║寿司║
🍣 昆布盐渍帆立贝寿司，梅子作topping，清新鲜甜；
🍣池鱼鱼边寿司，鱼边经灸烧过，以豉油同埋少许姜茸topping，油香四溢；
🍣真鲭鱼寿司，扫上豉油，以三星渍及七彩芝麻作topping，味道较咸香浓郁；
🍣乌贼寿司，伴柚子皮，以七彩芝麻及明太子酱做topping。实在好惊喜既一贯寿司，乌贼意外地超鲜甜，加上柚子皮系锦上添花；
🍣黑目鱼寿司伴wasabi昆布，隐约地食到芥末既点点辣度；
🍣熟成14日中拖罗，伴wasabi渍，熟成左既拖罗一方面保存左油香，另一方面亦令肉质松化，几特别既体验；
🍣大拖罗茸手卷，伴腌萝卜，师傅有正常同少饭既option，一大啖咬落去感受到油份系口腔爆发，好食到讲唔到野！
║蒸し物║
黑松露舞茸蒸蛋，蛋既上面洒左柠檬皮，正好同舞茸既甘味产生特别既效果，而献汁亦都系煮野菌既水份，原汁原味。
║江户前たまご🥚（玉子烧蛋糕）║
江户前玉子烧绝对系omakase店考牌之作，虽然外貌上系一口大小既蛋糕，但师傅强调无加入任何面粉，就只有鱼肉、虾肉加入蛋浆烤焗而成，火候既控制要极为准确。一啖咬落去系湿润软绵既蛋糕感，味道十分甜美，间中渗出海鲜既香气，好幸福呢！
║吸物║
同一般店提供味噌汤唔同，店家提供既蟹肉豆乳汤既汤头由松叶蟹熬制，内有滑溜既豆腐，同埋由松叶蟹肉加上虾肉制成既蟹肉鱼蛋。
║甘味║
时令既北海道赤肉蜜瓜同和歌山柿，多汁又甜美，简单而满足既结尾。
张贴
