影片
更多
2020-10-24
678 浏览
Café Causette唔知依排大家有无去Staycation呢? 自从疫情开始之后，无得再去搭飞机、去旅行，好多人都选择留喺香港消费，欣赏下香港嘅美丽，我地都唔例外，今次选择咗喺文华东方酒店训返晚，感受下旅行嘅感觉。.依个Package包两餐饭🍽，分别系入住当晚嘅晚餐同第二朝早餐，可以选择In-room Dining或者到阁楼嘅Cafe Causette度食。但文华东方嘅五星服务👩🏻💼出晒名，我地梗系拣去餐厅享受下啦！上网Book咗房间之后，好快已经有人send email 联络我哋，仲可以睇定有咩Course可以拣。.Appetizer or Soup文华龙虾汤 🦞 Lobster Bisque tarragon, cream前菜我地就拣咗一个汤、一个沙律Share嚟食，落单时同侍应讲好咗，上菜时佢已经细心咁帮我地分咗汤，果然系五星级嘅服务。汤可以选择龙虾汤同黑松露蘑菇汤，但多数人见到＂文华＂依两个字都应该会拣依个招牌龙虾汤，就睇下佢有咩咁特别啦！.其实我地之前试过唔少餐厅嘅龙虾汤，甚至自己买法国嘅浓缩龙虾汤返嚟煮，但总系觉得太咸唔啱口味，有啲仲会有啲腥臭味。但话晒都叫文华龙虾
唔知依排大家有无去Staycation呢? 自从疫情开始之后，无得再去搭飞机、去旅行，好多人都选择留喺香港消费，欣赏下香港嘅美丽，我地都唔例外，今次选择咗喺文华东方酒店训返晚，感受下旅行嘅感觉。
.
依个Package包两餐饭🍽，分别系入住当晚嘅晚餐同第二朝早餐，可以选择In-room Dining或者到阁楼嘅Cafe Causette度食。但文华东方嘅五星服务👩🏻💼出晒名，我地梗系拣去餐厅享受下啦！上网Book咗房间之后，好快已经有人send email 联络我哋，仲可以睇定有咩Course可以拣。
.
Appetizer or Soup
文华龙虾汤 🦞 Lobster Bisque tarragon, cream
前菜我地就拣咗一个汤、一个沙律Share嚟食，落单时同侍应讲好咗，上菜时佢已经细心咁帮我地分咗汤，果然系五星级嘅服务。汤可以选择龙虾汤同黑松露蘑菇汤，但多数人见到＂文华＂依两个字都应该会拣依个招牌龙虾汤，就睇下佢有咩咁特别啦！
.
其实我地之前试过唔少餐厅嘅龙虾汤，甚至自己买法国嘅浓缩龙虾汤返嚟煮，但总系觉得太咸唔啱口味，有啲仲会有啲腥臭味。但话晒都叫文华龙虾汤，点会好似出面个啲咁呢？佢地嘅龙虾汤浓郁得嚟又有鲜味，质感幼滑，入面仲有唔少龙虾肉，虽然比较细粒，但饮到尾都仲有。不过👨🏽就宁愿佢俾大粒啲，就算得一两粒都好，但👩🏻就钟意细细粒，啖啖肉！如果食剩啲面包，仲可以用面包蘸埋啲汤嚟食添。
.
西班牙黑毛猪火腿伴哈密瓜配火箭菜沙律 🥗 Philibon Melon and Ibérico Ham arugula salad, pesto, white balsamic vinaigrette
冷盘就叫左黑毛猪火腿🥓伴哈密瓜🍈，面头除咗火箭菜，仲有南瓜籽，为菜式增添口感。分开食哈密瓜同火腿嘅话可能唔觉得有咩特别，但夹埋一齐食就可以食材嘅香味。哈密瓜本身已经够新鲜，非常鲜甜，配埋火腿嘅咸香就更加出色，同时平衡嘅黑毛猪火腿嘅咸味，而且仲有底部嘅青酱，食落好特别。不得不提Cafe Causette嘅青酱真系好香，我地食面包嘅时候差啲想Refill一个嚟蘸。
.
Main Course
安格斯肉眼配法式香草牛油伴薯条240克🥩🍟 Steak Frites 240g angus ribeye, maitre d’hôtel butter
相信好多人见到Menu都会拣依个安格斯肉眼，肉眼嘅话拣三至五成熟就最好啦，我地就拣咗五成熟 (Medium) 。上菜时卖相就麻麻啦，因为上面嘅香草牛油已经溶晒，但咁都证明厨师系等我地食完前菜先煮牛扒，唔会摊到冻晒先俾你，依个都系我地拣落餐厅食嘅原因之一，因为如果拣In room Dining，侍应就无办法留意到你哋食完前一道菜未，所以佢哋会安排一次过上晒前菜、主菜同甜品。
.
依度嘅安格斯肉眼比较薄身，调味、口感都唔错，亦少脂肪，唔会将货就价俾客人下栏嘢。但最出色嘅其实系佢嘅薯条，虽然睇落平平无奇，但炸得超香脆，食落索索声，粗厚度适中。同之前同样炸得香脆嘅薯条唔同，佢入面仲系满满嘅薯蓉添呀！
.
烤比目鱼柳茴香沙拉配白葡萄酒汁 🐟 Roasted Halibut Fillet fennel salad, white wine and chive velouté
另一个我地就叫咗个比目鱼柳配茴香沙拉，鱼就失色咗啲啦，虽然配上幼滑嘅香草忌廉汁味道唔错，但肉质比较松散，一拮落去鱼肉就散晒。茴香烤得好香，为成个菜添加咗清新嘅味道同口感，不过我地都唔特别钟意食茴香，所以都钟意Steak frites多啲！
.
Dessert
文华芝士饼伴蓝莓果酱 🍰 1963 Mandarin Cheesecake blueberry compote
最后食完主菜，侍应就上甜品啦，首先试下文华著名嘅芝士蛋糕。点解叫1963？因为听闻厨师试过唔同嘅配方，但仍然认为1963嘅配方同食谱最好味，所以文华芝士饼就一直沿用依家配方，仲加返1963依个年份，特此纪念。同一般芝士蛋糕唔同，佢地仲加咗白朱古力喺入面，面头有蓝莓、忌廉，而佢地系无饼底嘅。芝士亦带有咸香，口感好Rich，同埋无左消化饼饼底，会完全Focus咗喺蛋糕度，质感好细致。加左白朱古力嘅芝士蛋糕用甜味平衡返芝士嘅味道，食落无咁腻。另外仲配咗蓝莓酱，酸酸甜甜，同芝士蛋糕好夹。
.
特浓朱古力蛋糕配香草奶油🍫 Devil Cake dark chocolate, vanilla cream
点解叫Devil Cake？一定系因为依个蛋糕够晒邪恶，超浓厚嘅黑朱古力，配上呍呢嗱Cream，好甜但好好味！面头系镜面朱古力，中间海棉蛋糕同朱古力脆脆，剩系依个配搭已经食到停唔到。呍呢嗱Cream都唔系装饰咁简单，我地见到入面有用新鲜呍呢嗱籽，唔系普通用呍呢嗱香油就算。如果你有整过蛋糕嘅话，就知道两者有几大分别。倒埋落蛋糕上面食真系超邪恶、超肥！但佢真系好味到我地两个食到咁饱都食得落。
.
最后仲有同蛋糕一齐上菜嘅酒心朱古力🌰，除左蛋糕之外，佢地嘅手工朱古力都好好味。就算系蛋糕上面嘅朱古力牌都一啲唔马虎，绝对唔会好似出面普通饼店只用低质朱古力敷衍。
.
依餐3 Courses Dinner如果要用正价俾都要$888，但我地就成个package咁买，所以都真系几抵食。服务都相当好，侍应非常贴心，佢地亦好留意客人嘅一举一动，所以文华依个Staycation Package真系超值！下次再同大家分享下早餐有咩食啦， 如果大家有试过其他酒店嘅Staycation不妨留言同我地分享下！🍾
.
Follow us on Instagram - Foodastics
张贴
