橋香園雲南過橋米線

营业中

休息中

订咗外卖自取，去到餐厅门口同马尾阿姐讲号码，阿姐望咗眼，我以为佢会帮我睇出咗餐未，点知佢问我后面、迟过我嚟嘅两位西装男士几位，都算，我理解午饭时间忙。呢个时间阿姐同事拎餐出嚟，个餐唔系我嘅，佢同事仲甩手，成杯奶茶跌落地，溅到我件白衫都系，但马尾阿姐只系问我后面嘅西装男士有冇事，要唔要送可乐，完全当我透明。我睇得出阿姐无帮我跟餐，于是我今次递埋个电话响佢面前俾佢睇号码，问佢得未，佢望咗眼，再望下我，然后拧转头继续做其他野，完全唔谂住答我，我唔知点解佢要咁无视人。最后我唯有自己响门口个箱睇吓有冇自己个餐，揾到就走人。小事一件，但感受太差。虽然唔期望呢啲小店会有咩服务，但态度都唔好衰到咁，几好食都唔会再帮衬。