香港達人 (黃大仙中心南館)

营业中

休息中

中午揾饭食，见有位就入咗嚟食。呢间餐厅以香港为主题，菜式都系港式茶餐厅为主，环境比一般茶餐厅坐得舒服。「午市套餐」星期六日都可以叫，有汤有嘢饮，仲有餐包，几好。见佢推介海南鸡饭，仲话系正宗，所以就试下。汤同普通茶记一样，可以拣中汤/红白汤，我就拣咗红汤。之后到个饭，海南鸡一啲都唔正宗，冇去骨，啲肉好鞋。个汁有两款，红色𠮶款应该系辣，但食落冇乜辣；黄色𠮶款冇乜味，又唔系姜蓉味。至于个饭太硬；特别之处系有好多菜，不过都系硬咗少少。如果叫返普通饭可能会好食啲。