咖啡弄 (已結業)

想系铜锣湾揾间野食好食，又有wifi上到网既cafe，可以静静地坐下做下野，其实真系唔容易。谂黎谂去结果都系番番咖啡弄😂虽然佢个餐牌同上一次黎既时候转左少少，但系都唔会影响到我不变既选择😂冰酿咖啡，净系加奶，已经中和到咖啡既苦涩味，更带出咖啡本身既香味。我次次都嗌既菩提子，见到佢软化血管呢个功效已经心心眼，再加切晒片既生果，绝对系high class既感觉。不过今次姜味太重，有啲辣。总汇三明治，次次见到就😍就嗌，但系又次次都唔记得系好大份，每人食一件已经够皮。烤鸡pizza，嗌完本身有啲后悔，因为想转番窝夫，不过最后都系觉得一试无妨。男友食到lam lam脷，不过我就觉得酱汁太浓味，食唔到鸡味。