心粥館 (已結業)

午饭未食, 行过心粥馆见到门外餐牌, 下午茶时段, 声称无味精煲仔粥只须$25, 即入去试试。茶餐厅格局下午茶餐中西都有, 任君选择。荔湾艇仔粥 ($25)艇仔粥原煲上台足料, 有一齐猪皮、瘦肉丝、花生及鱿鱼等, 粥底煲得软棉, 但不是浆糊状, 味道不浓, 只带少少咸味, 混合其他粥料同食, 清清地几好食, 还有食完真的没有口渴, 感觉较健康, 今次之后, 我地己经再去了2次试其他粥品, 最后还是觉艇仔粥最好食。混酱肠粉 ($9加配)肠粉有些少米香, 亦算滑, 而混酱是甜酱混芝麻酱加芝麻, 跟普通的混酱无异, 无咩好评。辣子鸡 ($48)特登叫来送粥, 辣子鸡加大量辣椒、葱段、豆豉及洋葱同炒, 鸡件入晒配料味, 加埋麻辣酱, 香香辣辣, 十分惹味, 用黎送粥无叫错, 坊间辣子鸡过咸的通病这间也有, 如果用来送粥可以接受, 送白粥更隹。