牛極 (彌敦道)

营业中

休息中

今日到下午三点都未系好肚饿，唔想食粉面饭，谂住食个牛扒加啲沙律菜都够晒，于是嚟呢到试下。入到去只有一个女客人食紧嘢，我可以慢慢食啦。 因为我喜欢淋身啲，所以叫咗$115嘅牛柳， 牛扒未到我就拎定晒沙律、汤、餐具，仲揽定围裙添。等多一阵牛扒出墙，但系⋯⋯⋯⋯随咗件牛柳细细件之外，最大问题系一啲烟都冇， 即系块石唔热啦， 我在思考之际，服务员经过都睇得出块石唔够热，帮我拎去换，但换出嚟嘅都只系比先前热小小， 见啲服务员全部都在后面食饭，唔好意思再叫佢地整， 唯有生啲都照食，最多饮多两碗热汤保赏返。讲返件牛扒，细块咗啲， 都够淋，都有啲牛味嘅😅。汤就就正常发挥。沙律菜只有生菜及几粒粟米，如果多一两款菜加埋落去会好啲。今次有点失望，一心谂住一个人叹吓石烧，但一啲石烧嘅感觉都冇，食左两旧连围裙都除埋。