影片
更多
2014-07-29
669 浏览
个人都几钟意台湾，所以，先后去过台北、宜兰、台中、高雄、台南、垦丁等地，虽然台北嘅士林夜市未有留下过足迹，不过，晌唔同地方，甚至台北本身，都有去过唔少夜市。小弟就几钟意台中嘅六合夜市，够大又多嘢睇；台北嘅饶河街夜市，亦唔错，几好行 ；印象中唔多喜欢高雄嘅瑞丰夜市，逼鬼到晕 。今晚，获邀嚟到士林栈，品尝一下「士林夜市」嘅味道，又睇睇能否显出不甘示弱嘅姿态。虽然小店位处大角咀旧区内，但对我而言都唔难揾，因为一来有朋友住晌港湾豪庭，对依区都有少少认识，二来早前无耐先去过九龙珀丽酒店食饭，都曾经过附近，所以，都有啲印象。内里实木木枱木櫈，装修简洁，光猛企理，墙上又贴有好多杂志、报纸介绍，以及唔少店内招牌推介，强调无添加味精。至于食物方面，扫一扫啲餐牌，似乎又几多选择，厨师推介、客饭套餐、清菜香饭系列、士林皇牌、自选米线及小食……等等，不过，再细心望望，就见喺以几款招牌菜再作唔同变化。例如其中一款皇牌「日式汉方鸡酒食」，晌唔同餐牌中就变成暖暖锅、配菜饭、配米线、单叫嘅小食。而餐枱纸亦特别印有店中4款名物：士林牛展、鸡酒食、梅贵猪扒及皇柚鸡扒，实在要会一会佢哋，睇睇味道如何。 士林招牌牛展阳
虽然小店位处大角咀旧区内，但对我而言都唔难揾，因为一来有朋友住晌港湾豪庭，对依区都有少少认识，二来早前无耐先去过九龙珀丽酒店食饭，都曾经过附近，所以，都有啲印象。内里实木木枱木櫈，装修简洁，光猛企理，墙上又贴有好多杂志、报纸介绍，以及唔少店内招牌推介，强调无添加味精。
至于食物方面，扫一扫啲餐牌，似乎又几多选择，厨师推介、客饭套餐、清菜香饭系列、士林皇牌、自选米线及小食……等等，不过，再细心望望，就见喺以几款招牌菜再作唔同变化。例如其中一款皇牌「日式汉方鸡酒食」，晌唔同餐牌中就变成暖暖锅、配菜饭、配米线、单叫嘅小食。
而餐枱纸亦特别印有店中4款名物：士林牛展、鸡酒食、梅贵猪扒及皇柚鸡扒，实在要会一会佢哋，睇睇味道如何。士林招牌牛展阳春面 $42
晌厨师推介餐牌第一个介绍就喺士林招牌牛展米线（$40），可免费转菜饭或白饭，若转阳春面或乌冬需要+$2。牛展并非一片片，而喺切得粗大一条条，加埋阳春面，大大碗，份量足。牛展确实焖煮得入味又够腍，据店主讲喺改良自台湾牛肉面，而汤头亦不俗，虽然唔似日式猪骨汤浓到浆口，但骨香味鲜，浓香不腻，有水准 ；再者，清甜嘅萝卜，爽脆嘅生菜，讲到依度，个面应该喺高分之作，不过，啲阳春面就有啲强差人意，其实，食之前店主都有提及面嘅问题，但我哋想好嘅又试，唔好嘅又试，的确啲阳春面一咬腍得交关，无嚼劲 ，大大拉低晒碗面嘅分数，感觉有啲可惜。
日式汉方鸡酒食锅客饭套餐 $62 日式汉方酒食系列，有鸡同肥牛，不过，想食暖暖锅，就只得汉方鸡酒食锅。依个暖暖锅客饭套餐，每套包一款主菜（11拣1），一款配菜（6拣1），加一个菜饭或白饭，再送冷热豆浆，其他冻热饮另外加钱。
日式汉方鸡酒食
一锅话多唔多，话少唔少，内里有唔少配菜：木耳丝、枝竹，鸡件采用鲜鸡，裁得大而厚肉，肉质挺实而香滑；当然，依道菜个药膳汤底先喺亮点，从餐枱纸嘅介绍，加入咗参须、黄耆、川芎、淮山等中药熬煮 ，打开盖一刻，已闻到酒香及药香，呷一口真喺有种暖身嘅感觉，当然，都喺留待寒冬之时，先多饮几碗，可促进血液循环，依家天口热，小酌啦！
肉燥茄子虽然只喺简单煮好茄子，再淋上肉燥，但整体感觉不俗。肉燥做得唔差，有咬口，都几香，而茄子炸得软身，但估唔到又唔太油。
冻豆浆 虽然跟餐，难得杯冻豆浆都仲有咁大杯，豆味唔算好突出，而且少甜，不过，豆渣多，所以饮落少咗份香滑感，隔渣方面要多做啲功夫。
梅贵猪扒 $25 晌小食一栏，多款精选或皇牌小食，都喺卖$23 / $25，先试其中两款：梅贵猪扒及皇柚鸡扒，几钟意个𩠌名，玩晒食字。猪扒用上价钱较贵嘅上肩肉，即喺梅头，咪以为我一食就食得出，都喺张餐枱纸有介绍啫。唔单只咁，成日听到厨房传嚟揼嘢声，原喺喺大厨锤松啲猪扒，所以，咬落真喺非常松化，而且又炸得甘香，唯一要挑剔喺入口有啲油，可能配菜饭或米线会更理想 。
皇柚鸡扒 $25 个鸡扒比起个猪扒卖相靓得多，无咁「黑古勒突」好似炸㶶咗咁，色泽金黄，加埋少少柚蜜，宁舍闪𫞠。鸡扒无乜特别咩位置或处理，重点反而落在个汁度，据介绍喺用咗台湾南部顶级白柚子加菜蜜煮成，柚蜜清香酸甜，配合嫩滑鸡扒肉，感觉几清新开胃 。
芒果乳酪 $15（跟餐+$9）淡黄色嘅芒果乳酪，芒果味淡，感觉唔太自然，乳酪嘅存在感实在无乜，唯冰冻酸爽，叫人一饮醒神，可能红、绿茶会好啲。
梅子冬瓜茶 $18（跟餐+$12） 店主话新产品，仍然喺边试边改嘅阶段，以冬瓜煲腍再压蓉，又加入雪梅，入口先喺一朕冰凉，感觉天然，又带点雪梅嘅酸香，令人消暑，而茶中有好多粒粒瓜蓉，口感几有趣，不过，唔喜欢嘅人相信会觉得怪。
其实，去过咁多夜市，老实讲，夜市食嘅嘢可谓大同小异，偶有一啲夜市会有几档至出名嘅名物贩卖，不过，就真喺唔识点形容依个喺士林嘅味道，𠮶个喺饶河街嘅味道。总之，行台湾嘅夜市，就有好多嘢食回「味」！今晚，晌士林栈，都有回味嘅嘢食，再次多谢店方邀请！
张贴
