楽壽司 (已結業)

年年生日男朋友都会畀surprise我，今年都唔例外，带咗我嚟呢间日式食府叹Omakase~ 由师傅发办就最好，乜都唔洗谂，乖乖地坐喺度就会食到最时令嘅日本靓海鲜，呢个安排真系太好，食每道菜都系一个惊喜~以下呢几样就令我印象最深刻：→千叶县‧地金目鲷配黄金三文鱼子地金目鲷系千叶县嘅野生海鲜名物，鱼肉特别粉嫩，油脂雪白同分布均匀。师傅将佢厚切，可以食得出果种滑口同肉质结实嘅口感，味道系鱼味浓厚兼带鲜甜，真系新鲜到好似啱啱上水咁~配埋通透金黄嘅三文鱼子，有提鲜作用。→爱媛县真鲷‧配鲷鱼白子真鲷系日本人庆祝节日先会食嘅高级鲷鱼，有“鱼类之王”美誉，爱媛县就盛产呢款鱼，一年四季都食得到果份美味鱼鲜同肉质细嫩~至于鲷鱼白子就入口即化，鲜香味好吸引， 透明而且油润丰腴嘅鱼肉真系无得输。→北海道鸟贝鸟贝个外型好得意，因为形状似雀仔个头而得名~佢嘅肉质好厚而细嫩，味道鲜美甘甜，口感爽脆非常独特，第一次食对佢印象难忘~→深海池鱼配乌鱼子深海池鱼比一般池鱼更肥美、更爽滑、更鲜甜，厚切刺身完全可以食到果份清、甜、爽~乌鱼子味道好特别，口感柔软油润，咸得恰到好处，食完仲好有余韵，令人回味无穷。→静冈县骏河湾活