又一間餐室

营业中

休息中

八点几出街揾野食，附近间间都要等，见呢度唔驶等，于是就入左去食。两口子叫左一个焗架喱牛腩意粉、一个招牌焗意粉。架喱牛腩意粉先到，架喱味都算几香既，又唔会话过辣。面头都算焗得ok，不过就底水汪汪咁，焗得唔够干身，好似食紧汤意粉咁。跟住黎个招牌焗意粉，都几多料既，有鸡、有菇、有海鲜，再配个白汁，不过又系水汪汪咁，而且食落去无乜味，如果唔系自己叫既话，单凭味觉就唔可以肯定自己食紧乜野。两位承惠80元，如果只系医肚既话，都算ok。