米走雞Live

营业中

休息中

朋友图文并茂话近排呢个芝士鸡煲好Hit，咁我就拉咗老公同个Friend齐齐试。佢有好多分店，观塘呢间好大，坐得舒服；不过服务就好耐人寻味，首先有个好似军官咁嘅阿姐向你落唔清晰嘅命令，其他侍应亦都唔系好熟餐牌，不过都帮手嘅；好彩食物质素都几好，所以可考虑回头。黄金芝士鸡煲（细） HK$178 作为芝士控嘅我当然拣咗激量芝士，啲芝士好足份量，单系芝士都值回票价。咁芝士沟鸡系咩味？真系好难形容，我会话好似好好味同高级版嘅忌廉薯蓉鸡汤再加咗拉丝芝士，由于太好味，连平时唔食芝士嘅老公都系咁饮个汤，结果我哋竟然连个汤都清晒，肥死人！至于个鸡，都几有鸡味同好滑，配料中芹、芫茜、洋葱啲味好夹，尤其洋葱喺鸡同芝士嘅洗礼下，香甜到不得了，个个争住食。由于我哋清咗个芝士汤，所以最后我哋只能用清鸡汤打边炉，试唔到中式芝士火锅，呜呜～～～火锅部份哈哈虾中宝 HK$68（半份） 作为虾迷嘅我，呢个虾中宝够晒劲，足料够份量之余，仲好鲜甜好弹牙，不过我建议一人食一只就够，因为真系太大只。手打五宝丸 HK$48（半份）五粒丸食落都好新鲜，我哋三位忍唔住边食边赞！我食咗虾丸同鲮鱼球丸，都系平均水准之上！另外