影片
更多
2021-11-10
2071 浏览
天气转凉突然间想打边炉本身几喜欢台式火锅汤底，而呢间火锅店又好似几高人气所以试一试思前想后，拣咗呢个set其他食物相片无特别影到，因为一开始已经好忙碌咁食嘢老实讲如果拣288呢个餐我觉得唔算太值只系可以接受，因为套餐入面嘅肉比较逊色，但系自助吧嘅丸类，菜嘅选择算系大众化口味。不过当中嘅腐皮墨鱼卷食到有臭味，希望厨房要留意食物保鲜度汤底都好浓郁，就算加咗几次汤都仲好够味(我试咗蕃茄麻辣，好开胃）饮品选择超多，口味都系比较少见。雪糕柜选择款式都算多就以上，如果300蚊一位系肉以外嘅选择比较满意的话就真系算贵咗少少。下次可以试低价位嘅package 可能性价比会高d最后系讲员工，reception果位小姐(唔好意思因为当时太匆忙，唔肯定系咪副店长)都好好人，无话想快快脆入枱求其见位就比我哋坐，反而主动话有卡位好快埋单请我哋稍等作安排然后有一位男仔兼职侍应，叫轩仔，我觉得佢好主动有礼貌，有耐性又好勤力。可能年纪轻对工作好有热诚，令我对佢印象好深刻。总括嚟讲，我都希望下次再黎嘅。不过90分钟原来系好快就过我见职员会定点提示客人交枱(系合理嘅因为人哋都要做生意)，其实令我食得有少少压力中途会不停睇
本身几喜欢台式火锅汤底，而呢间火锅店又好似几高人气所以试一试
思前想后，拣咗呢个set
其他食物相片无特别影到，因为一开始已经好忙碌咁食嘢
老实讲如果拣288呢个餐我觉得唔算太值只系可以接受，因为套餐入面嘅肉比较逊色，但系自助吧嘅丸类，菜嘅选择算系大众化口味。不过当中嘅腐皮墨鱼卷食到有臭味，希望厨房要留意食物保鲜度
汤底都好浓郁，就算加咗几次汤都仲好够味(我试咗蕃茄麻辣，好开胃）
饮品选择超多，口味都系比较少见。雪糕柜选择款式都算多
就以上，如果300蚊一位系肉以外嘅选择比较满意的话就真系算贵咗少少。下次可以试低价位嘅package 可能性价比会高d
最后系讲员工，reception果位小姐(唔好意思因为当时太匆忙，唔肯定系咪副店长)都好好人，无话想快快脆入枱求其见位就比我哋坐，反而主动话有卡位好快埋单请我哋稍等作安排然后有一位男仔兼职侍应，叫轩仔，我觉得佢好主动有礼貌，有耐性又好勤力。可能年纪轻对工作好有热诚，令我对佢印象好深刻。
总括嚟讲，我都希望下次再黎嘅。不过90分钟原来系好快就过我见职员会定点提示客人交枱(系合理嘅因为人哋都要做生意)，其实令我食得有少少压力中途会不停睇表，感觉上时间系净系俾你食嘢，要倾偈就会赶唔切所以两个人食会好d，多人食会挂住不停倾偈而忘记食嘢架
张贴
