岩手膳館 (已結業)

如果用100分做满分，好对唔住，只系得20分。1. 汤底只有味精，一饮完全口渴；2. 选料垃圾，我食葱油差烧拉面，成碗只有油、肥到一夹就烂既「差」烧，真系差到冇办法形容。3. 价钱离地，碗面配料除左所谓既叉烧外，只有粟米、海带、蛋等，却卖$88，同级数又同款拉面，相信就只有金太朗，但人家价钱平一半。4. 报导失实，门口贴满报章、杂志等报导，以为好有料，点知扮四条，呃街客入局；5. 零服务，全单除左食物之外，会另收加一服务费，但全店店员，只有Hea、更Hea同埋劲Hea，冇服务可言，亦唔会理会客人，离哂大谱。总结，如果嫌钱多又冇地方洗，又中意食伏野既，不彷一试，多谢。