板前壽司 (已結業)

今日(星期五)下午接近两点同个同事去旺角家乐坊板前寿司食lunch, 顾客本来已经唔多, 点知我地企正门口足足成两分钟都无人过嚟招呼. 坐低咗啦, 准备点菜, 明明成四五个waiters/waitresses格, 点知两个人挥极手都依然无人理. 终于点好菜叻, 十分钟后个waitress返嚟同我地讲呢样无𠮶样无. 都算叻, 再点过, 点啲个waitress连同寿司师傅都话肯定有嘅. 点知再过五分钟之后, 又有另外一个waiter返嚟话无. 终于忍唔住闹个waiter, 点解一时话有一时话无, 咁到底有定无; 而且过咗成十五分钟都仲未有一碟寿司到, 究竟搞边科? 个waiter居然话根据入单记录, 点菜时间只系过咗五分钟, 我地真系火都嚟埋. 个waiter见势色唔对, 即刻连声道歉, 话今次点嘅一定有, 而且马上到......事情终于圆满结束(以为)......三十秒后, 企正我地后面 -- 无估错, 就系𠮶个waiter -- 以80分贝以上嘅声浪, 放尽喉咙唾骂其中一个寿司师傅: "睇吓, 我又比人闹叻!!! 都系你衰, 净番一碟就唔好话有啦!!! ......" 埋单