影片
更多
2010-07-03
70 浏览
前排成日落雨，终于有日好天。于是老板拉大队，全公司出去谂住食餐好嘅，结果食到一肚气。当日我哋约两点半到餐厅，已经过咗食饭时间，人唔系太多；不过因为我哋有七个人，都要其他食客转枱，我哋至可以一齐坐。初时感觉良好。但到落单叫嘢食就开始出现问题，要重覆三、四次至落啱单；问佢哋有无沙律叫，佢哋就攞碟沙律酱嚟。嘢食味道ok，一般茶餐厅水准。但食食吓其中一个同事碗公仔面入面有粒钉书钉，佢已经放咗入口，好彩无食到落肚。我哋细细声叫人过嚟，话佢哋知，佢哋就净系话唔关佢哋事，系啲杂菜里面有钉；跟住又话自已系楼面，唔关佢事，关厨房事；但系又无叫厨房出嚟；然后又话负责人唔喺度；跟住就再无理我哋。我哋唔系嚟呃饭食，只想要个交代，同一声道歉。扰攘咗半个钟，负责人终于出现；但都系讲番差不多嘅说话。总之唔关佢哋事。结果无收碗公仔面嘅钱，真系多谢晒！
当日我哋约两点半到餐厅，已经过咗食饭时间，人唔系太多；不过因为我哋有七个人，都要其他食客转枱，我哋至可以一齐坐。初时感觉良好。
但到落单叫嘢食就开始出现问题，要重覆三、四次至落啱单；问佢哋有无沙律叫，佢哋就攞碟沙律酱嚟。
嘢食味道ok，一般茶餐厅水准。
但食食吓其中一个同事碗公仔面入面有粒钉书钉，佢已经放咗入口，好彩无食到落肚。
我哋细细声叫人过嚟，话佢哋知，佢哋就净系话唔关佢哋事，系啲杂菜里面有钉；跟住又话自已系楼面，唔关佢事，关厨房事；但系又无叫厨房出嚟；然后又话负责人唔喺度；跟住就再无理我哋。
我哋唔系嚟呃饭食，只想要个交代，同一声道歉。
扰攘咗半个钟，负责人终于出现；但都系讲番差不多嘅说话。总之唔关佢哋事。
结果无收碗公仔面嘅钱，真系多谢晒！
张贴