目利きの銀次Royal Grill (已結業)

话说琴日星期六下午约3时左右，见呢间野无人排又未试过咪去试下！！企系佢门口个小柜台，谂住叫左侍应话佢知我2位可以带我入去坐，门口小柜台近水吧前有个侍应姐姐佢企系到负责处理啲杯茶壶，佢见我叫佢佢叫我等等，咁我以为佢处理紧其他客，咁我咪等，跟住店内仲有好几位侍应，佢地全部睇到我企系到等但无理我，我讲左一句其实系到等咩呢，先有位侍应先生问我几位带我入去！！我必须要强调，当时得几台客，以及各位当值紧既侍应只系企系到无其他工作做紧。坐底得一个餐牌，我就问负责茶壶女侍应系咪只有呢个餐牌没其他，佢答我无，咁唔紧要照叫佢餐牌野食，普通一个tea set 48至65蚊,饮品另外加钱我ok 无问题，佢话可乐加10蚊，我照叫无问题，我叫左个鸡肉丸浓汤乌冬，话明浓汤，佢个汤，合味道仲好味过佢！！！我算，我就黎食完碗野问其中一个侍应我个可乐未到，佢望完我就行左，隔多阵都未黎我再揾另一个，佢拎左一杯可乐比我！！！呢到又有2个问题喇！！第一收我10蚊原来系一杯唔系一罐，算！系我叫之前无问清楚！第二，点解我叫可乐仲迟过我碗面上，食完仲要叫两次先到！！好喇本应无谂住唱衰佢，到埋单我真系火黎，叫左3次埋单都无人拎张单黎