翡翠潮州小廚 (已結業)

今日同男朋友黎到黄埔，周末几乎间间餐厅都人头涌涌好热闹，依间餐厅入座率都好高，我哋好彩坐左最后一两张枱，不用等位。☺️ 店内环境舒适，店员服务亦好好，好快已经送上茶同小前菜 ～（虽然埋单先知要收钱🤪）我哋叫左三样食物同两杯特饮，店员主动介绍特饮两杯有优惠价，一于试下。菠萝乳酸几解渴开胃，仲有菠萝粒粒，可惜饮到尾有少少药水味。另一西柚四季春多多，系水果同茶既配合，味道似系出面台式饮品会有既味道，我几中意，不过如图所见，成杯野都好多冰，要饮既话记得要珍惜住饮😂😂第一道菜系鹅片，中间夹左啲鹅件（？有皮有骨既），底层系豆腐。本身份量同卖相都不错，可惜一入口柴到😫 好失望呀大佬好干呀见餐牌有不少卤水选择，仲以为系招牌，结果两个都无乜意欲去夹，因为太难咬了。川椒鸡就好好多，至少热辣辣上枱。食落都觉得系嫩温有适当肉汁，味道香而不辣，如果有碗饭就好了😂 旁边既炸叶（？）千万不要错过，好好食的😋最后系最最期待既方鱼蚝仔粥，$55份量两个人share啱啱好～ 鲜香唔腥又多料👍🏻 好快食至见底了。晚餐二人份埋单约四百蚊，性价比不过不失。