影片
更多
2020-01-22
8836 浏览
上一次嚟系六年几前，𠮶次印象唔系咁好，今次嚟真系唔同晒。食物质素唔错，Refill得快，座位亦编排得好，职员勤力又有礼貌，虽然全场爆满，但所有客人都好斯文，openrice coupon有全单75折优惠，优钱Ok。即开生蚝，密密手开，又快手，蚝肉新鲜又多肉，咸淡适中。龙虾部份有膏，啲膏唔实，肉质弹牙，虾都新鲜。蟹脚多肉但有啲淡，青口都系无咩味。刺身都好新鲜，系甜虾肉唔系咁新鲜，肉质有啲碎，最出色系带子，鲜甜又大片。寿司都好味，虽然唔系细细件，除咗上面嘅肉外连寿司饭都做得好好。天妇罗炸浆几薄脆，系虾好幼好细，好似食唔到肉咁。卡邦尼长通粉同糯米饭都可以。片皮鸭切好自取，唔需要排队，蒸元贝嘅肉有啲细，不过上面嘅粉丝好味。羊腩煲肉多过配料无欺场，不过一系太肥，一系就有啲鞋。烧牛肉同鸡肉都几嫩。一开始先有嘅煎三文鱼好味，唔干唔鞋，之后就得返煎胧脷柳。羊架有啲瘦同熟咗啲，有少少鞋。牛仔骨无特别，我拎嘅时候咁啱系得返呢啲细细件，之后见有啲多肉好多。三款汤都做得好好：螺头圆肉杞子鸡肉瘦肉炖花胶汤汤全晚最受欢迎，无停过不断有人攞，非常足料，汤清澈又够味。白菌蘑菇忌廉汤，啖啖都食到蘑菇茸，一啲都唔稀。野葛
即开生蚝，密密手开，又快手，蚝肉新鲜又多肉，咸淡适中。
龙虾部份有膏，啲膏唔实，肉质弹牙，虾都新鲜。
蟹脚多肉但有啲淡，青口都系无咩味。
刺身都好新鲜，系甜虾肉唔系咁新鲜，肉质有啲碎，最出色系带子，鲜甜又大片。
寿司都好味，虽然唔系细细件，除咗上面嘅肉外连寿司饭都做得好好。
天妇罗炸浆几薄脆，系虾好幼好细，好似食唔到肉咁。
卡邦尼长通粉同糯米饭都可以。
片皮鸭切好自取，唔需要排队，
蒸元贝嘅肉有啲细，不过上面嘅粉丝好味。
羊腩煲肉多过配料无欺场，不过一系太肥，一系就有啲鞋。
烧牛肉同鸡肉都几嫩。
一开始先有嘅煎三文鱼好味，唔干唔鞋，之后就得返煎胧脷柳。
羊架有啲瘦同熟咗啲，有少少鞋。
牛仔骨无特别，我拎嘅时候咁啱系得返呢啲细细件，之后见有啲多肉好多。
三款汤都做得好好：
螺头圆肉杞子鸡肉瘦肉炖花胶汤汤全晚最受欢迎，无停过不断有人攞，非常足料，汤清澈又够味。
白菌蘑菇忌廉汤，啖啖都食到蘑菇茸，一啲都唔稀。
野葛菜红萝卜罗汉果煲生鱼汤，下火又好饮，有半煲都系汤料。
甜品亦令我惊喜，好多都好足料，蛋糕好松软，唔会太甜令你食到唔想食，件件都好精致，食得出用心制作。
面包布甸，百合红豆沙正常，豆腐花算做得几滑。
任食Haagen-Dazs雪糕有三款选择。
热饮有咖啡，茶，热朱古力。
张贴
