小神燈新派飯館 (已結業)

呢间嘢真系好唔掂，食过佐敦𠮶间总店，将军澳咁近咁方便开一间就去试吓，始终有总店嘅名气。但实在令人太失望，叫咗一个葱蒜水晶鸡，水煮蚬，豉汁陈皮蒸鳝，啫啫芥兰煲，白灼牛三宝，哈哈哈哈哈大笑炒饭，两个杨枝甘露，一个草莓布甸及一个椰汁椰果爆珠仙草，就已经$1000。喺调景岭屋村商场食个饭要收呢个钱，好有期望，但系食物质素超出预期差。 食物卖相唔吸引，送到枱唔够热，味道一般。唔知喺香港经济差做唔起夜市，定系食肆都唔想做夜市，啲嘢未食完就问要唔要想收碟，啲嘢未嚟齐就问使唔使买咗单先， 9:30走冇晒人。个场设计好有怀旧风情又如何，食唔到人情味，食唔到怀旧嘅味道，仲要咁贵，想点？咁样做落去做坏总店个名。