心夜來潮 (已結業)

食潮州菜，自然要打冷同蚝饼，所以每次都会去试下o唔ok，今次终于试到一间比较出色的。首先讲下地点，旺角南记上面，绝对系方便，唔会揾唔到。之后讲返d服务，好多铺头成日都会漏单或唔够材料唔会通知，但佢会交代无咩菜，之后介绍同类或接近的菜， 值得一赞。卤水鹅片：鹅肉入口松化，卤水汁好入味，鹅味香浓，油香丰富，食到忍唔住要多食几片。传统鸭蛋煎蚝饼： 正宗嘅蚝饼系要用鸭蛋来做，因为蛋味比鸡蛋香， 蚝饼会更加结实，但出面好多铺都用鸡蛋整，想唔到今次会食到鸭蛋的蚝饼。香辣鱼仔炒花甲：花甲每一只都大大只，入口无沙，炒得好香，真系好食。下次如果要再食潮州野，一定会选择佢。