薄餅怪獸

营业中

休息中

一向都钟意帮衬小店，今日去开新蒲岗，放工梗系要周围揾下咩小店好食。 黎到呢间薄饼怪兽，食下pizza都唔错，就入黎试下。 佢舖面中型，钟意佢既光猛同亲切感。 平日套餐仲有8折，超正。佢menu真系好多唔同既pizza选择，我就简左个细既夏威夷，有波萝，蜜桃同辣肠。 佢地细pizza原来系砌做心型架，好得意。 涵料出乎意外既多，芝士仲要多到可以拉丝，真系好好食。 件柠檬惹味烤鸡算几大件，啖啖肉冇肥膏，比连锁既好食好多。 佢今次系比上脾肉我，唔怪之咁好肉地。柠檬汁都好开胃。 最后忍唔住叫左心太软配云呢嗱雪糕，果然都好唔错。 黎到卖相好靓，仲有蕉糖汁系面，好睇又好味。 心太软朱古力味浓，流心得黎唔会太热，配雪糕食系一流。 呢间pizza 小店果然冇简错。