影片
更多
2008-11-01
18 浏览
** 此 食 肆 的 第 五 个 喊 **寻晚起(31-10-2008Fri),全家人连同我男友都去o左医院睇妈妈,我同男友原先book o左o黎呢o度同另外两个朋!友食大闸蟹宴,但朋友们爽约,咁见一家人一齐,问佢o地系咪一齐o黎呢o度食饭?佢o地都答应,就改8个人.我o地准时o黎到,张枱就o岩o岩贴著大门,冷气好冻.由于唔系个个都食咁多大闸蟹(3只),于是我o地叫两个$298.00一位o既大闸蟹宴,同散叫小菜.大哥同大嫂睇好耐至拣到,我唔明搅乜鬼.好,六只大闸蟹一次过上,我拣蟹公,大闸蟹唔系好大只,其实预o左.拆好蟹,蟹膏好多,蟹肉当然好少,我冇乜心机整出o黎食,求祈食完就算.之后我食餐o既炭烧腩肉伴口水豆腐o既口水豆腐,哗!好辣呀!我男友话好正,鬼咩,佢钟意食辣.而炭烧腩肉真系好味,皮好脆,唔错.然后又系餐o既生拆蟹粉小笼包,皮唔薄,蟹粉唔香,食到好重猪肉味,呢个一般.之后食另叫o既好似$80.00o既金盏腊味粉饭,份量少到分8碗都唔满,腊味好多,饭都叫炒得OK o既.细斑仔好似话得14两重,都够滑o既.然后又到餐o既燕窝蛋白烩翅,呢个几得,清清甜甜咁,唔错.散叫唔知咩炒四季豆,份
寻晚起(31-10-2008Fri),全家人连同我男友都去o左医院睇妈妈,我同男友原先book o左o黎呢o度同另外两个朋!友食大闸蟹宴,但朋友们爽约,咁见一家人一齐,问佢o地系咪一齐o黎呢o度食饭?佢o地都答应,就改8个人.
我o地准时o黎到,张枱就o岩o岩贴著大门,冷气好冻.由于唔系个个都食咁多大闸蟹(3只),于是我o地叫两个$298.00一位o既大闸蟹宴,同散叫小菜.大哥同大嫂睇好耐至拣到,我唔明搅乜鬼.
好,六只大闸蟹一次过上,我拣蟹公,大闸蟹唔系好大只,其实预o左.拆好蟹,蟹膏好多,蟹肉当然好少,我冇乜心机整出o黎食,求祈食完就算.
之后我食餐o既炭烧腩肉伴口水豆腐o既口水豆腐,哗!好辣呀!我男友话好正,鬼咩,佢钟意食辣.而炭烧腩肉真系好味,皮好脆,唔错.
然后又系餐o既生拆蟹粉小笼包,皮唔薄,蟹粉唔香,食到好重猪肉味,呢个一般.
之后食另叫o既好似$80.00o既金盏腊味粉饭,份量少到分8碗都唔满,腊味好多,饭都叫炒得OK o既.
细斑仔
好似话得14两重,都够滑o既.
然后又到餐o既燕窝蛋白烩翅,呢个几得,清清甜甜咁,唔错.
散叫唔知咩炒四季豆,份量又系少,味道都系普通啦,冇惊喜.
又系餐o既鸿图野菌炒鲍鱼粒,味道冇问题,不过一定唔系真鲍鱼啰.
散叫唔知咩烧肉拼,因我唔够手快,完全冇食过.
餐o既飘水腊味蒸糯米饮,用笼上o既,都系有腊味舖o系面上,而呢个系全场惊喜,个个都赞好食.
由于好似唔系咁够饱(样样o野份量都好细),于是决定叫多个𩠌,我睇睇餐牌,终于明白大哥同大嫂头先点解要谂咁耐,因为选择又少,又贵,份量又细,唉!最后我夹硬叫个$128.00o既半只炸黄油鸡.上到o黎,黄色o既鸡皮,外表唔似炸o左,食落,皮好脆,好香鸡味,二嫂未食鸡前食伴碟o既虾片,都话有鸡皮,呢个又唔错㖞.不过份量都系好少啰.
餐o既甜品金沙麻沙池,系芝麻糯米糍,热腾腾o既,面上舖满椰丝同花生粒,但我只食到椰丝味,芝麻味都唔系好重,食o左半粒畀钟意椰子味o既男友食.
送o既紫米露,暖暖的,唔太甜,呢个OK啦.
环境:
好过弥敦道o个间,可能呢间新o挂,够光猛同洁净啲.
服务:
呢样真系好唔得,咩o野都要三催四请,如:
1. 姪女要可乐,我o地o系半个钟内催o左三次至到,重要包括问部长.最好笑个操唔正广东话o既侍应话,因为呢张枱系佢负责,其他人系唔会理,你叫我啦.咁都得?呢啲系你o地行政问题,o系客人o既角度唔须要理呢样,作为叫做’高级’酒家部长,应该识谂客人为先,有咩自己先跟或叫负责o个位搅掂,,而唔系求祈应o左个客咩都唔做就算.
2. 等好耐都未上糯米饭,糖水,又系催两个人至送到,就连埋单都要催(钱都唔愿收?)
问佢o地个餐重有咩未o黎,要同我o地逐样对,唔系佢o地自己删o既咩?乱!
收o野收一半唔收一半,奇怪.
其他:
而咁少份量,其实我o地都唔系咁够饱,睇o黎都系冇下次.
呢餐饭埋单$1,395.90,真零丁.
张贴